କିଭ୍: ରୁଷିଆ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଆରମ୍ଭ ହେବାର ଦୁଇ ବର୍ଷରୁ ଅଧିକ ସମୟ ଅତିବାହିତ ହୋଇଛି। ଆନ୍ତର୍ଜାତୀୟ ସ୍ତରରେ, ଏହି ସମୟରେ ଏହା ସବୁଠାରୁ ବଡ ଚିନ୍ତାର ବିଷୟ ପାଲଟିଛି। ବର୍ତ୍ତମାନ ଯୁଦ୍ଧ ବିଷୟରେ ଏଭଳି ତଥ୍ୟ ଆସିଛି, ଯାହା ଜାତିସଂଘର ଟେନସନକୁ ଆହୁରି ବଢାଇ ଦେଇଛି । ଜାତିସଂଘ ମଙ୍ଗଳବାର କହିଛି ଯେ ଏହି ଦୁଇ ବର୍ଷରେ ୟୁକ୍ରେନର ଜନସଂଖ୍ୟା ୮ ନିୟୁତ ଏବଂ ୨୦୧୪ ପରଠାରୁ ଏବେ ପର୍ଯ୍ୟନ୍ତ ପ୍ରାୟ ୧ କୋଟି ବା ବ୦ ମିଲିୟନ ଲୋକ କମ୍ ହୋଇ ଗଲେଣି। ୨୦୧୪ରେ ପ୍ରଥମ ଥର ପାଇଁ ରୁଷିଆ ୟୁକ୍ରେନ ଉପରେ ଆକ୍ରମଣ କରିଥିଲା। ପୂର୍ବ ୟୁରୋପ ଏବଂ ମଧ୍ୟ ଏସିଆର ଜାତିସଂଘର ଜନସଂଖ୍ୟା ପାଣ୍ଠିର ଆଞ୍ଚଳିକ ନିର୍ଦ୍ଦେଶକ ଫ୍ଲୋରେନ୍ସ ବାଉର କହିଛନ୍ତି ଯେ ୨୦୧୪ ପରଠାରୁ ୟୁକ୍ରେନର ଜନସଂଖ୍ୟା ୧୦ ନିୟୁତ ହ୍ରାସ ପାଇଥିବାବେଳେ ୨୦୨୨ ଆକ୍ରମଣ ପରେ ଜନସଂଖ୍ୟା ୮ ମିଲିୟନ ହ୍ରାସ ପାଇଛି।
ଦୁଇ ବର୍ଷ ତେବେ ଜନଗଣନାରୁ ଏହି ତଥ୍ୟ ନିଆଯାଇ ନାହିଁ ବୋଲି ରିପୋର୍ଟରେ ମଧ୍ୟ କୁହାଯାଇଛି। ଏହି ସମୟ ମଧ୍ୟରେ ୟୁକ୍ରେନରେ କୌଣସି ଜନଗଣନା ନଥିଲା। ଜାତିସଂଘ ଜନସଂଖ୍ୟା ପାଣ୍ଠି ଜାତୀୟ ପରିସଂଖ୍ୟାନ କାର୍ଯ୍ୟାଳୟର ଉଦ୍ଧେଶ୍ୟରେ କହିଛି ଯେ ୨୦୧୪ରେ ୟୁକ୍ରେନର ଜନସଂଖ୍ୟା ୪୫ନିୟୁତ ଥିଲା। ସେତେବେଳେ ରୁଷିଆ କେବଳ କ୍ରାଇମବ୍ରାଞ୍ଚକୁ କବଜା କରି ନେଇଥିଲା, କିନ୍ତୁ ଫେବୃଆରୀ ୨୦୨୨ରେ ରୁଷିଆର ଆକ୍ରମଣ ବ୍ୟାପକ ପରିମାଣରେ ହୋଇଥିଲା। ଏଥିରେ ସମଗ୍ର ୟୁକ୍ରେନ ଉପରେ ଆକ୍ରମଣ କରାଯାଇଥିଲା ଏବଂ ସେହି ସମୟରେ ଜନସଂଖ୍ୟା ୪୩ ନିୟୁତକୁ ହ୍ରାସ ପାଇଥିଲା, କିନ୍ତୁ ୨୦୨୪ସୁଦ୍ଧା ଏହି ସଂଖ୍ୟା ୩୫ ନିୟୁତରେ ପହଞ୍ଚିଛି।
