କାଳୀ ମେଢ ଭସାଣି ବେଳେ  ଦୁଇ ଗୋଷ୍ଠୀ ମୁହାଁମୁହିଁ

ବ୍ୟୁରୋ  : କାଳୀ ମେଢ ଭସାଣି ବେଳେ  ଦୁଇ ଗୋଷ୍ଠୀ ମଧ୍ୟରେ ମୁହାଁମୁହିଁ । କଟକ ଚାନ୍ଦିନୀ ଚୌକ ରୟାଲ ଗାଛ୍ମେନ ନିକଟରେ  ଏହି ସଂଘର୍ଷ ହୋଇଛି ।  ଦୁଇ ଗୋଷ୍ଠୀ ମଧ୍ୟରେ ବଣ୍ଡଗୋଳ ଘଟି  ୬ ଜଣ ଆହତ ହୋଇଛନ୍ତି । ଆହତମାନଙ୍କୁ କଟକ ସିଟି ହସ୍ପିଟାଲରେ ଭର୍ତ୍ତି କରାଯାଇଛି । ପୂଲିସର ସୂଚନା ଅନୁସାରେ , ମହମ୍ମଦିୟା ବଜାର ଅଞ୍ଚଳରେ  କିଛି ଯୁବକ କାଳୀ ମେଢ ବିସର୍ଜନ କରି  ଫେରୁଥିବା ସମୟରେ  ଚାନ୍ଦିନୀ ଚୌକ ହସିନାବାଗ ଅଞ୍ଚଳର କିଛି ଯୁବକଙ୍କ ସହ କୌଣସି  କଥାକୁ ନେଇ ବଚସା ହୋଇଥିଲା । ବଚସା ଏହାର ଉଗ୍ରରୂପ ନେଇଥିଲା । ତାପରେ ପରସ୍ପରଙ୍କ ଉପରେ  ପଥର ମାଡ ସହ କାଚ ବୋତଲ ଫିଙ୍ଗାଫିଙ୍ଗି ହୋଇଥିଲା । ଏହା ସହିତ ଗୋଟିଏ ଦୋକାନ ଭାଙ୍ଗିବା ସହିତ  ୩ଟି ବାଇକ ମଧ୍ୟ ଭାଙ୍ଗି  ଦେଇଥିବା  ଅଭିଯୋଗ ହୋଇଛି । ଲାଲବାଗ ଥାନା  ପୁଲିସ ପହଞ୍ଚିଚିବା ପରେ ଉତ୍ତେଜନା ଥମିଥିଲା । ତେବେ ପ୍ରକୃତ କାରଣ କଣ ଅସ୍ପଷ୍ଟ ରହିଛି । ପୁଲିସ ଅଭିଯୁକ୍ତମାନଙ୍କୁ ଧରିବା ପାଇଁ ଛାନଭିନ ଆରମ୍ଭ କରିଛି  ।