ନୂଆଦିଲ୍ଲୀ: ପୁଣି ଭାରତକୁ ଟାରିଫ୍ ଭୟ ଦେଖାଇଲେ ଆମେରିକାର ରାଷ୍ଟ୍ରପତି ଡୋନାଲ୍ଡ ଚ୍ରମ୍ପ। ଭାରତ ରୁଷୀୟ ତୈଳ କିଣିବା ନେଇ ଦେଲେ ଚେତାବନୀ। ଟ୍ରମ୍ପ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜଣେ ଭଲ ବ୍ୟକ୍ତି, କିନ୍ତୁ ସେ ଜାଣିଛନ୍ତି ଯେ ମୁଁ ଭାରତ ଦ୍ୱାରା ରୁଷୀୟ ତେଲ କିଣିବାରେ ଖୁସି ନୁହେଁ । ମୋତେ ଖୁସି କରିବା ସବୁଠୁ ଜରୁରୀ ଥିଲା । ସେମାନେ ବାଣିଜ୍ୟ କରନ୍ତୁ, ମୁଁ ଟାରିଫ୍ ବଢାଇବି। ଯଦି ସେମାନେ ରୁଷୀୟ ତେଲ କିଣିବା ଜାରି ରଖନ୍ତି, ତେବେ ଆମେ ସେମାନଙ୍କ ଉପରେ ବହୁତ ଶୀଘ୍ର ଶୁଳ୍କ ବୃଦ୍ଧି କରିବୁ।
ସୂଚନାଯୋଗ୍ୟ, ଟ୍ରମ୍ପ ଅଗଷ୍ଟ ୨୦୨୫ରେ ଭାରତ ଉପରେ ୫୦ ପ୍ରତିଶତ ଶୁଳ୍କ ଲାଗୁ କରିଥିଲେ। ସେ ରୁଷ ସହିତ ଭାରତର ତୈଳ ବାଣିଜ୍ୟରେ ଅସନ୍ତୁଷ୍ଟ ଥିଲେ ଏବଂ ଏହା ଅନେକ ଥର ଉଲ୍ଲେଖ କରିଥିଲେ। ଟ୍ରମ୍ପଙ୍କ ନିଷ୍ପତ୍ତି ଦୁଇ ଦେଶ ମଧ୍ୟରେ ବାଣିଜ୍ୟ ଚୁକ୍ତିକୁ ଦୀର୍ଘ ସମୟ ପାଇଁ ଅଟକାଇ ଦେଇଥିଲା। ଟ୍ରମ୍ପ ଚାହୁଁଥିଲେ ଯେ ଭାରତ ଆମେରିକା ପାଇଁ ଏହାର ସମ୍ପୂର୍ଣ୍ଣ ବଜାର ଖୋଲି ଦେଉ ଏବଂ ଦୁଗ୍ଧ ଏବଂ କୃଷି କ୍ଷେତ୍ରରେ ପ୍ରବେଶ କରିବାକୁ ଅନୁମତି ଦେଉ, କିନ୍ତୁ ଭାରତ ତାଙ୍କ ନିଷ୍ପତ୍ତିରେ ଅଟଳ ରହିଲା।
ଭାରତ ଏବଂ ରୁଷ ବର୍ଷ ବର୍ଷ ଧରି ଭଲ ସମ୍ପର୍କ ରଖିଆସିଛି, ଦୁଇ ଦେଶ ମଧ୍ୟରେ ବାଣିଜ୍ୟ ମଧ୍ୟ ପରିଚାଳିତ ହୁଏ। ଏହା ହିଁ ଟ୍ରମ୍ପଙ୍କୁ କ୍ରୋଧିତ କରିଛି ଏବଂ ତାଙ୍କର ସଦ୍ୟତମ ବିବୃତ୍ତିରେ ମଧ୍ୟ ଏହା ଉଲ୍ଲେଖ କରାଯାଇଛି। ଏହା ଉଲ୍ଲେଖନୀୟ ଯେ ଟ୍ରମ୍ପ ବର୍ତ୍ତମାନ ଭେନେଜୁଏଲାରେ ତାଙ୍କର ଅଭିଯାନ ପାଇଁ ଖବରରେ ଅଛନ୍ତି। ଆମେରିକା ଭେନେଜୁଏଲାର ରାଷ୍ଟ୍ରପତି ମାଦୁରୋଙ୍କୁ ଗିରଫ କରିଛି ଏବଂ ବର୍ତ୍ତମାନ ତାଙ୍କ ବିରୁଦ୍ଧରେ ମାମଲା ଚଳାଇଛି।
