ସ୍କୁଲ ବସକୁ ଧକ୍କା ଦେଲା ଟ୍ରକ: ୧୨ ମୃତ

ନୂଆଦିଲ୍ଲୀ: ଦକ୍ଷିଣ ଆଫ୍ରିକାର ଜୋହାନ୍ସବର୍ଗର ଦକ୍ଷିଣ-ପଶ୍ଚିମରେ ଏକ ଟ୍ରକ୍ ଏକ ସ୍କୁଲ ମିନିବସକୁ ଧକ୍କା ଦେବାରୁ ପ୍ରାୟ 12 ଜଣ ପିଲାଙ୍କର ମୃତ୍ୟୁ ହୋଇଥିବା ଅଧିକାରୀମାନେ କହିଛନ୍ତି। ସୋମବାର ଦିନ ଗୌଟେଙ୍ଗ ପ୍ରଦେଶରେ ଏହି ଘଟଣା ଘଟିଛି। ଜରୁରୀକାଳୀନ ସେବା କହିଛି ଯେ ଅଧିକାଂଶ ପୀଡିତଙ୍କ ଘଟଣାସ୍ଥଳରେ ହିଁ ମୃତ୍ୟୁ ଘଟିଛି। ଦୁର୍ଘଟଣାର କିଛି ସମୟ ପରେ ଏଗାର ପିଲାଙ୍କୁ ମୃତ ଘୋଷଣା କରାଯାଇଥିଲା। ଗୁରୁତର ଆହତ ହୋଇ ହସ୍ପିଟାଲକୁ ନିଆଯାଇଥିବା ଆଉ ଏକ ପିଲାର ଚିକିତ୍ସା ସମୟରେ ମୃତ୍ୟୁ ହୋଇଥିଲା। ଘରୋଇ ଭାବରେ ପରିଚାଳିତ ଏହି ମିନିବସ୍ ପିଲାମାନଙ୍କୁ ନେଇ ଅଞ୍ଚଳର ଅନେକ ପ୍ରାଥମିକ ଏବଂ ମାଧ୍ୟମିକ ବିଦ୍ୟାଳୟକୁ ଯାଉଥିଲା। କର୍ତ୍ତୃପକ୍ଷ କହିଛନ୍ତି ଯେ ସକାଳର ବ୍ୟସ୍ତବହୁଳ ଯାତ୍ରା ସମୟରେ ସକାଳ ପ୍ରାୟ ୭ଟା ସମୟରେ ଦୁର୍ଘଟଣା ଘଟିଥିଲା। ପ୍ରତ୍ୟକ୍ଷଦର୍ଶୀଙ୍କ ଅନୁଯାୟୀ, ପିଲାମାନଙ୍କୁ ନେଇ ଯାଉଥିବା ମିନିବସ୍ ଅନ୍ୟ ପାର୍କିଂ ହୋଇଥିବା ଯାନଗୁଡ଼ିକୁ ଅତିକ୍ରମ କରିବାକୁ ଚେଷ୍ଟା କରୁଥିବା ବେଳେ ଏହା ଏକ ଟ୍ରକ୍‌କୁ ମୁହାଁମୁହିଁ ଧକ୍କା ଦେଇଥିଲା। ପୋଲିସ ନିଶ୍ଚିତ କରିଛି ଯେ ତଦନ୍ତ ଚାଲିଛି ଏବଂ ଟ୍ରକ୍‌ ଡ୍ରାଇଭରଙ୍କୁ ପଚରାଉଚରା କରାଯିବ।