ଟ୍ରେନ ଧକ୍କା: ୨ମୃତ, ୪ରୁ୫ ଆହତ

ରାଞ୍ଚି: ଝାଡଖଣ୍ଡର ସାହିବଗଞ୍ଜ ଜିଲ୍ଲାରୁ ଏକ ବଡ ଖବର ସାମ୍ନାକୁ ଆସୁଛି ।  ଯେଉଁଠାରେ  ପୁଣି ଥରେ ଟ୍ରେନ ଦୁର୍ଘଟଣା ଘଟିଛି । ଫରକ୍କାରୁ ଆସୁଥିବା ଏକ ଖାଲି  ମାଲବାହୀ ଟ୍ରେନ  ବରହେଟ  ଏମଟିରେ  ଠିଆ ହୋଇଥିଲା ।  ଏହି ସମୟରେ, ଲାଲମାଟିଆ ଅଭିମୁଖେ ଯାଉଥିବା ଏକ କୋଇଲା  ବୋଝେଇ ଥିରୁପାସ ମାଲବାହୀ ଟ୍ରେନଟି ଜୋରରେ ଧକ୍କା ଦେଇଥିଲା ।  ଫଳରେ ଦୁଇଜଣ ଲୋକୋ ପାଇଲଟଙ୍କ ମୃତ୍ୟୁ ହୋଇଛି । ଚାରି ରୁ ପାଞ୍ଜ ଜଣ ରେଳ କର୍ମଚାରୀ ଆହତ ହୋଇଛନ୍ତି ।  ଘଟଣାଟି ଭୋର ୩ଟାରୁ ୪ଟା ସମୟରେ ହୋଇଛି ।  ସାହିବଗଞ୍ଜର ବରହେଟ ଥାନା ଅଞ୍ଚଳର  ଫରକ୍କା ଲାଲମାଟିଆ ଏମଆରଜି ରେଳ ଲାଇନରେ ଏହି ଦୁର୍ଘଟଣା ଘଟିଛି ।  ପ୍ରଶାସନିକ ଦଳ , ଅଧିକାରୀ ଦଳ ଘଟଣାସ୍ଥଳରେ ପହଞ୍ଚି  ଘଟଣାର ତଦନ୍ତ ଆରମ୍ଭ କରୁଛନ୍ତି ।