ଦେବଗଡ : ଦେବଗଡ କୁôଣ୍ଢେଇଗଳା ଫରେଷ୍ଟ ରେଞ୍ଜ ଅନ୍ତର୍ଗତ ସଙ୍ଗାପୋଷି ଗାଁରେ ମହିଳାଙ୍କୁ କଚାଡି ଜୀବନରୁ ମାରିଦେଲା ଦନ୍ତା ହାତୀ । ସୂଚନା ଅନୁସାରେ ଜଣାପଡିଛି , ଦିଗାମ୍ବର ବେହେରା ଘର ନିକଟରେ ହାତୀର ଶବ୍ଦ ଶୁଣି ବାଡିପଟେ ଥିବା ମକାବିଲକୁ ଯାଇଥିଲେ । ଏହି ସମୟରେ ହାତୀପଲ ଦମ୍ପତ୍ତିଙ୍କୁ ଆକ୍ରମଣ କରିଥିଲେ । ପରେ ଗୁରୁତର ଅବସ୍ଥାରେ ମହିଳାଙ୍କୁ ଉଦ୍ଧାର କରି ତୁରନ୍ତ ଅନୁଗୁଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ନେଇଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସୂଚନା ପାଇ ବନବିଭାଗ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ମହିଳାଙ୍କୁ କଚାଡିଦେଲା ଦନ୍ତା
