ବାଘକୁ ପିଟିପିଟି ମାରିଲେ ଗାଁ ଲୋକେ

ବ୍ୟୁରୋ  : ଗାଁ ଲୋକେ ଗୋଟିଏ ଦଶ  ବର୍ଷ ବୟସର ବାଘକୁ  ପିଟିପିଟି ହତ୍ୟା  କରିଦେଇଛନ୍ତି ।  ବାଘଟି ଶନିବାର ଦିନ ରାଜସ୍ଥାନର  ରଥାମ୍ବର ଜାତୀୟ ଉଦ୍ୟାନ  ନିକଟରେ ଥିବା  ଉଲିୟାନା ଗାଁର ଜଣେ ୪୫ ବର୍ଷୀୟ ବ୍ୟକ୍ତିଙ୍କୁ ଝୁଣି ମାରିଦେଇଥିଲା ।  ଏହି ଘଟଣା ପରେ  ଗାଁ ଲୋକମାନେ ରକ୍ତମୁଖା ବାଘକୁ ଖୋଜିବା ସହ  ପଥର ଓ କୁରାଢୀ ଦ୍ୱାରା ଆକ୍ରମଣ କରି ତାକୁ ମାରି ଦେଇଛନ୍ତି । ବାଘଟିକୁ କେବେ ହତ୍ୟା କରାଯାଇଚି ସ୍ପଷ୍ଟ ହୋଇନାହିଁ ।  ଜଙ୍ଗଲ ବିଭାଗ ଏଯାଏଁ ବାଘର ମୃତ୍ୟୁ ସମ୍ପର୍କରେ କୌଣସି ପ୍ରକାର ବିବୃତ୍ତି ଜାରି କରିନାହିଁ ।  ବାଘଟି ଗାଁର ୪୫ ବର୍ଷୀୟ ବ୍ୟକ୍ତିଙ୍କୁ ମାରି ଦେବା ପରେ ଲୋକମାନେ ବିକ୍ଷୋଭ ପ୍ରଦର୍ଶନ  କରିଥିଲେ ।  ତେବେ କୃାି ମନ୍ତ୍ରୀଙ୍କ ହସ୍ତେକ୍ଷେପ ପରେ  ୨୨ ଘଣ୍ଟା ଧରି  ଜାରି ରହିଥିବା  ବିକ୍ଷୋଭ ପ୍ରତ୍ୟାହୃତ  ହୋଇଥିଲା । ଏସବୁ ଭିତରେ ଆଉ କିଛି ଗାଁ ଲୋକେ ବାଘଟିକୁ ଖୋଜିବା ସହ  ତାକୁ ଠାବ କରିବା ପରେ ହତ୍ୟା କରିଥିବା ଜଣା ପଡିଛି ।