ବାଇକ୍ ଉପରେ ଚଢ଼ିଗଲା ଟ୍ରକ୍‌, ୨ ମୃତ

ଢେଙ୍କାନାଳ: ଢେଙ୍କାନାଳ ଜିଲ୍ଲା ମୋଟଙ୍ଗା ଥାନା ଚିନ୍ତାପୋଖରୀ ଛକ ନିକଟରେ ୫୫ ନମ୍ବର ଜାତୀୟ ରାଜପଥରେ ଏକ ବାଇକ୍ ଉପରେ ଟ୍ରକ୍‌ଟିଏ ଚଢ଼ିଯିବାରୁ ୨ ଜଣ ବ୍ୟାଙ୍କ ଅଧିକାରୀଙ୍କ ମୃତ୍ୟୁ ଘଟିଛି । ମୃତକ ଦ୍ୱୟ ହେଉଛନ୍ତି ସୁବ୍ରତ ମହାପାତ୍ର ଓ ପିନୁ ଧଳ । ସୁବ୍ରତ ମହାପାତ୍ର ଏଚ୍‌ଡିଏଫ୍‌ସି ବ୍ୟାଙ୍କ ଅନୁଗୁଳ ଶାଖାରେ ମ୍ୟାନେଜର ଥିଲେ । ସେହିପରି ପିନୁ ଧଳ ଲୋନ୍ ଅଫିସର ଥିଲେ ବୋଲି ଜଣାପଡ଼ିଛି । ସୁବ୍ରତ ଓ ପିନୁ ବାଇକରେ କଟକରୁ ଅନୁଗୁଳ ଯାଉଥିବା ବେଳେ ଚିନ୍ତାପୋଖରୀ ଛକ ନିକଟରେ ପଛରୁ ଆସୁଥିବା ଟ୍ରକ୍ ସେମାନଙ୍କ ଉପରେ ଚଢ଼ି ଯାଇଥିଲା । ସ୍ଥାନୀୟ ଲୋକେ ସେମାନଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ଢେଙ୍କାନାଳ ଜିଲ୍ଲା ମୁଖ୍ୟ ଡାକ୍ତରଖାନାକୁ ପଠାଇଥିଲେ । ତେବେ ସେଠାରେ ସେମାନଙ୍କୁ ମୃତ ଘୋଷଣା କରାଯାଇଥିଲା । ଦୁର୍ଘଟଣା ଘଟାଇ ଥିବା ଟ୍ରକକୁ ମୋଟଙ୍ଗା ପୁଲିସ ଜବତ କରିଥିବା ବେଳେ ଡ୍ରାଇଭରକୁ ଗିରଫ କରିଛି ।