ଝାରସୁଗୁଡା : ଧିରେ ଧିରେ ଖୋଲୁଛି ଝାରସୁଗୁଡା ହତ୍ୟାକାଣ୍ଡର ପୂରା କାହାଣୀ । ତଦନ୍ତ ଯେତେ ଆଗଉଛି ହତ୍ୟାକାଣ୍ଡ ପଛର କାହାଣୀ ସେତେ ସ୍ପଷ୍ଟ ଜଣାପଡୁଛି । ପ୍ରଥମେ ଦୁଷ୍କର୍ମ ପରେ ପ୍ରେମର ନାଟକ କରି ବାରମ୍ବାର ଶାରୀରିକ ସଂପର୍କ ପରେ ଫେରାର ହୋଇଗଲା ଯୁବକ । ନିଜେ ଡାକ୍ତରଖାନାକୁ ଯାଇ ଗର୍ଭପାତ କରାଇଥିଲେ ନାବାଳିକା । ହେଲେ ଘଟଣା ଜଣାପଡିବା ପରେ ଥାନାରେ ମାମଲା ହେଲା । ଯୁବକ ଗିରଫ ହେଲେ । ବର୍ଷକ ପରେ ଜାମିନରୁ ମୁକୁଳିବା ପରେ ପ୍ରତିଶୋଧ ନେଲେ । ଏ ହେଉଛି ହତ୍ୟାକାଣ୍ଡ ପଛର କାହାଣୀ । ହତ୍ୟାକାଣ୍ଡ ପୂର୍ୱରୁ କିଭଳି ଜହ୍ଲାଦ ପ୍ରେମିକ ଜଣେ ସହେଯାଗୀ ସହ ପୀଡିତାଙ୍କୁ ବାଇକ ଯୋଗେ ନେଉଛି ତାହା ସିସିଟିଭି କଏଦ ହୋଇଛି । ଏହି ଘଟଣାରେ ପୋଲିସ ମୁଖ୍ୟ ଅଭିଯୁକ୍ତର ସହେଯାଗୀକୁ ଗିରଫ କରିଛି । ତେବେ ମାମଲାରୁ ସଂପୂର୍ଣ ରୂପେ ଖଲାସ ହେବାକୁ ଯାଇ ଯୁବତୀକୁ ହତ୍ୟା କରିଥିବା ପୋଲିସ ସମ୍ମୁଖରେ ବୟାନ ଦେଇଛି ଅଭିଯୁକ୍ତ । ସାରା ରାଜ୍ୟରେ ଏବେ ଚାଞ୍ଚଲ୍ୟ ଖେଳାଇ ଦେଇଛି ରାଉରକେଲା ଯୁବତୀଙ୍କ ହତ୍ୟା ଘଟଣା । ପୀଡିତାଙ୍କୁ ଅପହରଣ ପରେ ଖଣ୍ଡଖଣ୍ଡ କରି କାଟି ବିଭିନ୍ନ ସ୍ଥାନରେ ପକାଇଥିଲା ଜହ୍ଲାଦ ପ୍ରେମିକ । ଗତକାଲି ଅଭିଯୁକ୍ତକୁ ଧରି ସିନ ରିକ୍ରିଏସନ କରିଥିଲା ପୋଲିସ । ଏବେ ସିସିଟିଭି ଫୁଟେଜକୁ ଆଧାର କରି ଘଟଣାରେ ଅନ୍ୟ କାହାର ସମ୍ପୃକ୍ତି ଅଛି କି ନାହିଁ ସେ ନେଇ ପୋଲିସ ଖୋଳତାଡ କରୁଛି ।
