ପ୍ରେମକୁ ନା କହିଲେ ନାବାଳିକା : ଏସିଡ ଢାଳିଲେ ଯୁବକ

ବ୍ୟୁରୋ : ଏକ ତରଫା ପ୍ରେମକୁ ନେଇ ଏକ ହୃଦୟ ବିଦାରକ  ଖବର ସାମ୍ନାକୁ ଆସିଛି । ଉତ୍ତରପ୍ରଦେଶର କୁଶୀନଗରରେ  ନାବାଳିକା ଜଣଙ୍କ  ଯୁବକଙ୍କ ପ୍ରେମକୁ ଏଡାଇ ଦେବାରୁ  ଯୁବକ ଜଣଙ୍କ ତାଙ୍କ ଉପରେ ଏସିଡ ମାଡ କରିଛନ୍ତି ।  ଏଥିରେ ଗୁôରୁତର ଆହତ ହୋଇଥିବା  ନାବାଳିକା ଜଣଙ୍କ  ମେଡିକାଲରେ ଭର୍ତ୍ତି ହୋଇଥିବା ବେଳେ  ପୁଲିସ  ଦୁଇ ଜଣଙ୍କୁ ବାନ୍ଧିଛି ।  ଅଭିଯୁକ୍ତ ଦ୍ୱୟ ହେଲେ ।  ମୁକେଶ ରାଜଭର ଓ ତାଙ୍କ  ସହେଯାଗୀ  ସୁରଜ ରାଜଭର ।  ପୁଲିସ ସୂଚନା ଅନୁସାରେ  ଅଭିଯୁକ୍ତ ମୁକେଶ ପୀଡିତାଙ୍କୁ ଏକ ତରଫା ପ୍ରମ କରୁଥିଲେ ।  ହେଲେ ସେ ନାବାଳିକାଙ୍କ ସହ  କଥା ହେବାକୁ ଚେଷ୍ଟା  କରିବା ବେଳେ ନାବାଳିକା  ଜଣଙ୍କ  ଏଥିରୁ ଦୂରେଇ ରହୁଥିଲେ । ମୁକେଶଙ୍କ ପ୍ରସ୍ତାବକୁ ବାରମ୍ବାର ପ୍ରତ୍ୟାଖ୍ୟାନ କରୁଥିଲେ । ଏଥିରେ ରାଗିଯାଇ  ମୁକେଶ ନାବାଳିକାଙ୍କୁ  ପାନେ ଦେବାକୁ ଷଡଯନ୍ତ୍ର  କଲେ ।  ଏକ କେମିକାଲ ଦୋକାନରୁ ଏସିଡ କିଣିବା ପରେ  ନିଜ ସାଙ୍ଗ ସୁରଜଙ୍କ ବାଇକରେ  ନାବାଳିକାଙ୍କ ଘରକୁ ଗଲେ ।  ସେଠାରେ ତାଙ୍କ ମୁହଁରେ ଏସିଡ ପକାଇ  ଉଭୟ ଫେରାର ହୋଇଯାଇଥିଲେ ।  ପରିବାର ଲୋକେ ତୁରନ୍ତ ଝିଅକୁ ମେଡିକାଲରେ ଭର୍ତ୍ତି କରିଥିବା ବେଳେ  ସେଠାରେ  ସେ ଚିକିତ୍ସିତ ହେଉଛନ୍ତି ।  ଏନେଇ ପୀଡିତାଙ୍କ ବାପା ଥାନାରେ ଅଭିଯୋଗ କରିବା ପରେ ପୁଲିସ ତୁରନ୍ତ  ତଦନ୍ତ ଆରମ୍ଭ କରି  ଦୁଇ ଅଭିଯୁକ୍ତଙ୍କୁ ବାନ୍ଧିଛନ୍ତି ।