ଅସୁସ୍ଥ ହାତୀକୁ ଠାବ କଲା ବନବିଭାଗ

ତିଗିରିଆ : ଜଙ୍ଗଲରେ ଅସୁସ୍ଥ ଛୁଆ ହାତୀକୁ ଠାବ କଲା ବନ ବିଭାଗ । କଟକ ତିଗିରିଆ ବନାଞ୍ଚଳ ଅନ୍ତର୍ଗତ ସୁଦର୍ଶନପୁର ପନ୍ଥେଇ ଠାକୁରାଣୀଙ୍କ ନିକଟ ସୋରିଷପାଳ ଜଙ୍ଗଲରେ ଏକ ଅସୁସ୍ଥ ଛୁଆ ହାତୀକୁ ଠାବ କରିଛି ବନବିଭାଗ । ତେବେ ହାତୀଟିର ବୟସ ଏକ ବର୍ଷ ବୋଲି ସୂଚନା ଦେଇଛି ବନ ବିଭାଗ । ଘଟଣା ସ୍ଥଳରେ ତିଗିରିଆ ବନବିଭାଗ ସହ କପିଳାସର ସ୍ବତନ୍ତ୍ର ରାପିଡ ରେସପନ୍ସ ଟିମ୍ ପହଞ୍ଚି ଚିକିତ୍ସା ଆରମ୍ଭ କରିଛନ୍ତି । ସୂଚନା ଅନୁଯାୟୀ , ହାତୀ ଛୁଆଟି ଜଙ୍ଗଲରେ କୌଣସି ଖାଦ୍ୟ ଖାଇ ପେଟରେ ଯନ୍ତ୍ରଣା ଅନୁଭବ କରୁଛି ।