ଭୁବନେଶ୍ୱର: ଜ୍ୟୋତିଷ ଶାସ୍ତ୍ରରେ ସୂର୍ଯ୍ୟପରାଗର ଏକ ବିଶେଷ ମହତ୍ତ୍ୱ ଅଛି । ଏହି ଜ୍ୟୋତିର୍ବିଜ୍ଞାନ ଘଟଣା ସର୍ବଦା ଲୋକଙ୍କ ମନରେ କୌତୁହଳ ବିଷୟ ହୋଇ ରହିଛି । ଲକ୍ଷ୍ନୌ ଜ୍ୟୋତିଷ ଡକ୍ଟର ଉମାଶଙ୍କର ମିଶ୍ରଙ୍କ ଅନୁସାରେ, ୨୦୨୫ ବର୍ଷର ପ୍ରଥମ ସୂର୍ଯ୍ୟପରାଗ ୨୯ ମାର୍ଚ୍ଚ, ଶନିବାର ଦିନ ହେବ । ଏହି ସୂର୍ଯ୍ୟଗ୍ରହଣ ଭାରତୀୟ ସମୟ ଅନୁସାରେ ଅପରାହ୍ନ ୨ଟା ୨୦ ମିନିଟରେ ଆରମ୍ଭ ହେବ ଏବଂ ସନ୍ଧ୍ୟା ୬ଟା ୧୬ମିନିଟରେ ଶେଷ ହେବ। ଏହି ପରାଗ ମୋଟ ଅବଧି ୦୩ ଘଣ୍ଟା ୫୩ ମିନିଟ୍ ରହିବ । ବର୍ଷର ଏହି ପ୍ରଥମ ସୂର୍ଯ୍ୟପରାଗ ମୀନ ରାଶି ଏବଂ ଉତ୍ତର ଭାଦ୍ରପଦ ନକ୍ଷତ୍ରରେ ହେବ । ଯଦିଓ ଏହି ପରାଗ ଭାରତରେ ଦୃଶ୍ୟମାନ ହେବ ନାହିଁ, ତଥାପି ଏହାର ପ୍ରଭାବ ଆଗାମୀ ୩ ମାସ ପର୍ଯ୍ୟନ୍ତ ଅନେକ ରାଶି ଉପରେ ଅନୁଭୂତ ହୋଇପାରେ । ଏହି ସୂର୍ଯ୍ୟପରାଗ ପରେ କିଛି ରାଶିଙ୍କୁ ବିଶେଷ ସତର୍କ ରହିବାକୁ ପଡିବ ।
କେଉଁ ରାଶି ରହିବେ ସତର୍କ:
ଜ୍ୟୋତିଷ ଗଣନା ଅନୁସାରେ, ମେଷ, କର୍କଟ ଏବଂ ମୀନ ରାଶିର ବ୍ୟକ୍ତିମାନଙ୍କ ପାଇଁ ବର୍ଷର ପ୍ରଥମ ସୂର୍ଯ୍ୟପରାଗ କଷ୍ଟକର ହେବାର ସମ୍ଭାବନା ଅଛି । ଏହି ତିନୋଟି ରାଶିକୁ ଆଗାମୀ ୩ ମାସ ପାଇଁ ବିଶେଷ ସତର୍କତା ଅବଲମ୍ବନ କରିବାକୁ ପରାମର୍ଶ ଦିଆଯାଇଛି ।
ମେଷ: ଉମା ଶଙ୍କର ମିଶ୍ରଙ୍କ କହିବା ଅନୁସାରେ, ବର୍ଷର ପ୍ରଥମ ସୂର୍ଯ୍ୟପରାଗ ଯୋଗୁଁ ମେଷ ରାଶିର ଲୋକମାନେ ଆର୍ôଥକ କ୍ଷତି ସହିପାରନ୍ତି। ଏହି ସମୟରେ ଯେକୌଣସି ପ୍ରକାରର ଅନାବଶ୍ୟକ ଖର୍ଚ୍ଚରୁ ଦୂରେଇ ରହିବା ଆବଶ୍ୟକ । ବ୍ୟବସାୟରେ କାରବାର କରିବା ସମୟରେ ସତର୍କ ରୁହନ୍ତୁ । କାହା ପ୍ରଭାବରେ କୌଣସି ନିଷ୍ପତ୍ତି ନିଅନ୍ତୁ ନାହିଁ, ନଚେତ୍ ଆପଣଙ୍କୁ କ୍ଷତି ସହିବାକୁ ପଡ଼ିପାରେ । ଟଙ୍କା ମାମଲାରେ ସତର୍କ ରହିବା ବୁଦ୍ଧିମାନର କାମ ହେବ ।
କର୍କଟ: କର୍କଟ ରାଶିର ବ୍ୟକ୍ତିମାନଙ୍କୁ ୨୯ ମାର୍ଚ୍ଚ ପର ଠାରୁ ଜୁନ୍ ମାସ ପର୍ଯ୍ୟନ୍ତ ନିଜ କ୍ୟାରିଅର ପ୍ରତି ବହୁତ ସତର୍କ ରହିବାକୁ ପଡିବ । ଏହି ସମୟରେ, ଯେକୌଣସି ପ୍ରକାରର ଅସାବଧାନତା ଆପଣଙ୍କ ପାଇଁ କ୍ଷତିକାରକ ସାବ୍ୟସ୍ତ ହୋଇପାରେ । ଆପଣଙ୍କର ଏକ ଛୋଟ ଭୁଲ ମଧ୍ୟ ଆପଣଙ୍କୁ ବହୁତ ମହଙ୍ଗା ପଡ଼ିପାରେ ଏବଂ ଆପଣଙ୍କ ଚାକିରି ମଧ୍ୟ ବିପଦରେ ପଡ଼ିପାରେ । ତେଣୁ, କର୍ମକ୍ଷେତ୍ରରେ ପୂର୍ଣ୍ଣ ସଚ୍ଚୋଟତା ଏବଂ ନିଷ୍ଠାର ସହିତ କାମ କରନ୍ତୁ ।
ମୀନ: ବର୍ଷର ପ୍ରଥମ ସୂର୍ଯ୍ୟପରାଗ ମୀନ ରାଶିରେ ହେଉଛି, ତେଣୁ ଏହି ସମୟରେ ମୀନ ରାଶିର ଲୋକଙ୍କୁ ମାନସିକ ଚାପର ସମ୍ମୁଖୀନ ହେବାକୁ ପଡ଼ିପାରେ । କୌଣସି ପ୍ରକାରର ଚାପକୁ ନିଜ ଉପରେ ପ୍ରଭାବ ପକାଇବାକୁ ଦିଅନ୍ତୁ ନାହିଁ ଏବଂ ଧର୍ଯ୍ୟର ସହିତ ନିଜର କାର୍ଯ୍ୟ ଗୁଡ଼ିକୁ ସମାପ୍ତ କରିବାକୁ ଚେଷ୍ଟା କରନ୍ତୁ । ପରିବାରରେ ଦ୍ୱନ୍ଦ୍ୱ ହେତୁ ଆପଣ ଚାପ ମଧ୍ୟ ଅନୁଭବ କରିପାରନ୍ତି । ଶାନ୍ତ ରୁହନ୍ତୁ ଏବଂ ବିବାଦର ସମାଧାନ କରିବାକୁ ଚେଷ୍ଟା କରନ୍ତୁ।
