ଚାଷୀଙ୍କୁ କ୍ଷେତରେ କଚାଡି ମାରିଲା ଦନ୍ତା

କାମାକ୍ଷାନଗର: ଧାନ ବିଲ ଯଗିଥିବା ବେଳେ ଚାଷୀଙ୍କୁ କଚାଡି ଦଳିଦେଲା ଦନ୍ତା । ମୃତକ କୋଟ ଗ୍ରାମର ଚାଷୀ ନିଧିଆ ଦେହୁରୀ ବୋଲି ଜଣାପଡ଼ିଛି । ଢେଙ୍କାନାଳ ଜିଲ୍ଲା କାମାକ୍ଷାନଗର ପୂର୍ବାଞ୍ଚଳ ରେଞ୍ଜ କୋଟ ଗ୍ରାମରେ ଏଭଳି ଘଟଣା ଘଟିଛି । ସୂଚନା ମୁତାବକ, କାମାକ୍ଷାନଗର ପୁର୍ବାଞ୍ଚଳ ରେଞ୍ଜ କୋଟ ଗ୍ରାମରେ ବିଗତ ଦିନରେ ଦନ୍ତା ଉପଦ୍ରବ ବଢିଛି । ଏହି କାରଣରୁ ଗାଁର ଚାଷୀ ନିଧିଆ ଦେହୁରୀ ବୁଧବାର ରାତିରେ ଧାନ ବିଲ ଯଗି ବସିଥିଲେ । ଏହି ସମୟରେ ଏକ ଦନ୍ତା ହାତୀ ଆକ୍ରମଣର ଶିକାର ହୋଇଥିଲେ ନିଧିଆ । ହାତୀଟି ତାଙ୍କୁ କଚାଡ଼ି ଦଳି ଦେଇଥିଲା । ଏହି ଆକ୍ରମଣରେ ଘଟଣାସ୍ଥଳରେ ହିଁ ନିଧିଆ ପ୍ରାଣ ହରାଇଥିଲେ । ଏହା ଦେଖି ତାଙ୍କ ପରିବାର ଲୋକେ ତୁରନ୍ତ ବନ ବିଭାଗକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଛନ୍ତି ବନ ବିଭାଗର କର୍ମଚାରୀ ।