ମହିଳାଙ୍କ ମୃତଦେହ ଉଦ୍ଧାର

ରାୟଗଡ଼ା : ପାହାଡ଼ ଉପରୁ ଭିନ୍ନକ୍ଷମ ମହିଳାଙ୍କ ମୃତଦେହ ଉଦ୍ଧାର । ରାୟଗଡା ଜିଲ୍ଲା ଗୁଡାରି ଆମ୍ବାବାଡ ନିକଟ ପାହାଡରୁ ମୃତଦେହ ଉଦ୍ଧାର କରିଛି ପୋଲିସ । ମୃତକ ହେଲେ ପଦ୍ମପୁର ଥାନା ବିରିପଦର ଗାଁର ରୀନା ଜେନା । ସେ ମିଶନ ଶକ୍ତିରେ କାମ କରୁଥିଲେ । ଗତ ୨୫ ତାରିଖରେ ପଦ୍ମପୁର ବ୍ଲକରେ ମିଟିଂ ଥିବା କହି ଘରୁଯାଇ ନିଖୋଜ ହୋଇଯାଇଥିଲେ । ସେବେଠୁ ତାଙ୍କର କୌଣସି ଖୋଜଖବର ମିଳୁନଥିଲା । ପାହାଡ଼ ଉପରେ ମୃତଦେହ ପଡ଼ିଥିବାନେଇ ସ୍ଥାନୀୟ ଲୋକଙ୍କ ସୂଚନା ପରେ ପୋଲିସ ମୃତଦେହ ଉଦ୍ଧାର କରିଛି । ରୀନାଙ୍କୁ ହତ୍ୟା ପରେ ଫିଙ୍ଗିଦିଆଯାଇଥିବା ପରିବାର ଲୋକ ଅଭିଯୋଗ କରିଛନ୍ତି । ହତ୍ୟା ମାମଲା ରୁଜୁ କରିବା ସହ ସାଇଣ୍ଟିଫିକ ଟିମ୍ ସହାୟତାରେ ପୋଲିସ ତଦନ୍ତ କରୁଛି ।