ହାଇଦ୍ରାବାଦ: ନାବାଳିକାଙ୍କୁ ଭାରି ପଡ଼ିଲା ଅନଲାଇନ୍ ବନ୍ଧୁତା । ଯାହାଙ୍କୁ ୨୦ ଦିନ ଧରି ହୋଟେଲ ରୁମରେ ବନ୍ଦ କରି ରଖାଯାଇଥିଲା । ଶନିବାର ଏହି ଅପରେସନ କରାଯାଇ ଅଭିଯୁକ୍ତ ୧୯ ବର୍ଷୀୟ ଇଞ୍ଜିନିୟରିଂ ଛାତ୍ରଙ୍କୁ ଗିରଫ କରାଯାଇଛି । ପୋଲିସ ସୂଚନା ଅନୁଯାୟୀ, ଅଭିଯୁକ୍ତ ଜଣକ ସୋସିଆଲ ମିଡିଆ ଜରିଆରେ ଛାତ୍ରୀଙ୍କ ସହ ବନ୍ଧୁତା କରିଥିଲେ ଏବଂ ପରେ ତାଙ୍କୁ ଧମକ ଚମକ ଦେଇ ହାଇଦ୍ରାବାଦ ଆସିବାକୁ ବାଧ୍ୟ କରିଥିଲେ । ହାଇଦ୍ରାବାଦର ନାରାୟଣଗୁଡା ଅଞ୍ଚଳରେ ଥିବା ଏକ ହୋଟେଲ ରୁମରେ ଛାତ୍ରୀଙ୍କୁ ବନ୍ଦୀ କରି ରଖାଯାଇଥିଲା । ଭଇଁସା ସହରରେ ରହୁଥିବା ଛାତ୍ରୀଙ୍କ ଅଭିଭାବକ ‘ସି ଟିମ୍ସ’ରେ ଅଭିଯୋଗ କରିଥିଲେ । ତାଙ୍କୁ ତାଙ୍କ ଝିଅ ଫୋନ୍ କରି ଜଣାଇଥିଲା ଯେ ଜଣେ ଅନଲାଇନ୍ ବନ୍ଧୁ ତାଙ୍କୁ ଫସାଇ ଛନ୍ତି ଏବଂ ସେ ହାଇଦ୍ରାବାଦରେ ଫସି ରହିଛନ୍ତି ।
ଛାତ୍ରୀ ଜଣକ ଏକ ଇନଷ୍ଟାଣ୍ଟ ମେସେଜିଂ ଆପ୍ ଜରିଆରେ ତାଙ୍କ ପିତାମାତାଙ୍କୁ ତାଙ୍କ ଲୋକେସନ ପଠାଇଥିଲେ, ଯାହା ପୋଲିସକୁ ତାଙ୍କୁ ଟ୍ରାକ୍ କରିବାରେ ସାହାଯ୍ୟ କରିଥିଲା । ନାରାୟଣଗୁଡ଼ାସ୍ଥିତ ଏକ ହୋଟେଲର ବନ୍ଦ କୋଠରୀରେ ପହଞ୍ଚି ଏସ୍ ଇ ଟିମ୍ ନାବାଳିକାଙ୍କୁ ଉଦ୍ଧାର କରି ତାଙ୍କ ପିତାମାତାଙ୍କୁ ହସ୍ତାନ୍ତର କରିଥିଲେ । ଏହାପରେ ଅଭିଯୁକ୍ତକୁ ଗିରଫ କରି ନାରାୟଣଗୁଡା ଥାନାରେ ଆଇପିସି ର ସମ୍ପୃକ୍ତ ଦଫାରେ ମାମଲା ରୁଜୁ କରାଯାଇଛି । ‘ସେ ଟିମ୍ସ’ ତେଲେଙ୍ଗାନା ପୋଲିସର ଏକ ସ୍ୱତନ୍ତ୍ର ଶାଖା, ଯାହା ମହିଳାଙ୍କ ସୁରକ୍ଷା ସୁନିଶ୍ଚିତ କରିବା ଏବଂ ସେମାନଙ୍କୁ ନିର୍ଯାତନାରୁ ରକ୍ଷା କରିବା ପାଇଁ ସମର୍ପିତ । ଏହି ଟିମ୍ ର ମୁଖ୍ୟ ଉଦ୍ଦେଶ୍ୟ ହେଉଛି ମହିଳା ଓ ବାଳିକାମାନଙ୍କୁ ସୁରକ୍ଷା ପ୍ରଦାନ କରିବା ଏବଂ ଅସଦାଚରଣ କିମ୍ବା ପିଛା କରିବା ଭଳି ଅପରାଧ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ।
