ଧାରା ୩୭୦କୁ ନେଇ ଅମିତ ଶାହାଙ୍କୁ ଟାର୍ଗେଟ କଲେ ଖଡଗେ

ନୂଆଦିଲ୍ଲୀ: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ କହିଛନ୍ତି ଯେ ଜାମ୍ମୁ-କାଶ୍ମୀରରେ ଧାରା ୩୭୦ ର ପୁନସ୍ଥାପିତ ବିଷୟରେ କଂଗ୍ରେସ କେବେ କହିନାହିଁ। କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ଦାବିକୁ ବିରୋଧ କରି ସେ କହିଥିଲେ ଯେ  ଯେ ଜାମ୍ମୁ କାଶ୍ମୀରରେ ଧାରା ୩୭୦ ପୁନ-କାର‌୍ୟ୍ୟକାରୀ କରିବାକୁ କଂଗ୍ରେସ ଚାହୁଁଛି। ସେ କହିଛନ୍ତି ଯେ ସଂସଦ ଦ୍ୱାରା ଏହି ବିବାଦୀୟ ବ୍ୟବସ୍ଥାକୁ ରଦ୍ଦ କରାଯାଇଛି। ମଲ୍ଲିକାର୍ଜୁନ ଖଡ଼ଗେ ଭାରତୀୟ ଜନତା ପାର୍ଟି (ବିଜେପି) କୁ ସମାଜରେ ବିଭାଜନ ସୃଷ୍ଟି କରିବା ପାଇଁ ଧାରା ୩୭୦ ପ୍ରସଙ୍ଗକୁ ଜୀବନ୍ତ ରଖିଥିବା ଅଭିଯୋଗ କରିଛନ୍ତି। ସେ ପୁଣେରେ ଏକ ସାମ୍ବାଦିକ ସମ୍ମିଳନୀରେ ସମ୍ବୋଧିତ କରୁଥିଲେ। ଏହି ସମୟରେ ମଲ୍ଲିକାର୍ଜୁନ ଖଡ଼ଗେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଂଗ୍ରେସ ତଥା ଦଳର ବରିଷ୍ଠ ନେତା ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କ ବିରୋଧରେ ଅପଶବ୍ଦ କହିଥିବାର ଅଭିଯୋଗ କରିଛନ୍ତି।ମଲ୍ଲିକାର୍ଜୁନ ଖଡ଼ଗେ କହିଛନ୍ତି, ‘ଅମିତ ଶାହା ନିଜ ନିର୍ବାଚନ ରାଲିରେ କଂଗ୍ରେସ ବିରୋଧରେ ମିଥ୍ୟା ପ୍ରଚାର କରୁଥିବା ଅଭିଯୋଗ କରିଛନ୍ତି।