ପାଇଖାନା ଘରେ ପଡି ଛାତ୍ରୀ ମୃତ

କେନ୍ଦୁଝର: ଆଦିବାସୀ  ଛାତ୍ରୀ ନିବାସ  ପାଇଖାନା ଘରେ ପଡି  ଜଣେ ଆଦିବାସୀ  ଛାତ୍ରୀଙ୍କ ମୃତ୍ୟୁ ଘଟିଛି ।  ଆଜି ସକାଳୁ ପାଇଖାନାକୁ  ଯାଇଥିବା ବେଳେ   ଅସାବଧାନତାବଶତଃ ପଡି  ଯାଇଥିଲେ ଛାତ୍ରୀ । ତାଙ୍କ ମୁଣ୍ଡରେ  ଶକ୍ତ ଆଘାତ ଲାଗିଥିବା ସ୍କୁଲ କର୍ତ୍ତୃପକ୍ଷ କହିଛନ୍ତି । ଏଣେ ତାଙ୍କୁ ଗୁରୁତର ଅବସ୍ଥାରେ  ତେଲକୋଇ ଡାକ୍ତରଖାନାରେ  ଭର୍ତ୍ତି କରାଯାଇଥିଲା ।  ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମିଳିଥିବା ସୂଚନା ଅନୁଯାୟୀ,  କେନ୍ଦୁଝର ଜିଲ୍ଲା ତେଲକୋଇ  ଥାନା ଭୀମାକାଣ୍ଡ ସରକାରୀ  ନୋଡାଲ ଉଚ୍ଚ  ପ୍ରାଥମିକ  ବିଦ୍ୟାଳୟରେ ଏହି ଘଟଣା ଘଟିଛି । ତେଲକୋଇ  ଥାନା କୁଲାଡେରା ଗ୍ରାମର ଗଣେଶ୍ୱର ନାଏକଙ୍କ  ଝିଅ  ତେଜସ୍ୱିନୀ  ନାୟକ ଛାତ୍ରୀ ନିବାସରେ ରହି ତୃତୀୟ ଶ୍ରେଣୀରେ  ପାଠ ପଢୁଥିଲେ । ଆଜି  ସକାଳେ ପାଇଖାନା ଘରେ ପଡି ମୃତ୍ୟୁ ହୋଇଥିବା  ସ୍କୁଲ କର୍ତ୍ତୃପକ୍ଷ  ରହିଛନ୍ତି ।  ତେବେ ପରିବାର ପକ୍ଷରୁ ସ୍କୁଲ କର୍ତ୍ତୃପକ୍ଷଙ୍କ ଦାୟିତ୍ୱହୀନତା ପାଇଁ ତାଙ୍କ ଝିଅର ମୃତ୍ୟୁ ଘଟିଛି ବୋଲି ମୃତା ଛାତ୍ରୀଙ୍କ ବାପା ଅଭିଯୋଗ କରିଛନ୍ତି ।