ନୂଆଦିଲ୍ଲୀ : ଜଣେ ଛାତ୍ରକୁ ଅଚ୍ୟାଚାର କରିବାର ଭିଡିଓ ସାମ୍ନାକୁ ଆସିଛି । ଅଭିଯୁକ୍ତ ଜଣଙ୍କ ପ୍ରଥମେ ତାଙ୍କୁ ମାଡ ମାରିଥିଲେ । ତାପରେ ଜଣଙ୍କୁ ରେଳ ଲାଇନ ପାଖକୁ ଘୋଷାଡି ନେଇଥିଲା । ଏଭଳି ଘଟଣା ଉତ୍ତରପ୍ରଦେଶର କାନପୁରରୁ ଆସିଛି । ଅଭିଯୁକ୍ତ ଜଣଙ୍କୁ କେବଳ ମାଡ ମାରି ସନ୍ତୁଷ୍ଟ ହୋଇନଥିଲା । ଛାତ୍ର ଜଣଙ୍କୁ ପଥରରେ ଛେଚି ହତ୍ୟା କରିବାର ଉଦ୍ୟମ କରୁଥିଲା । ସେତେବେଳେ ଛାତ୍ର ଟି ଅଭିଯୁକ୍ତଙ୍କ ଠାରେ ନିବେଦନ କରିଥିଲା । ଏହି ମାମଲା ପୋଲିସ ପାଖରେ ଅଭିଯୋଗ ହେବା ପରେ ଅଭିଯୁକ୍ତଙ୍କ ବିରୋଧରେ କାଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୋଲିସ ସୂଚନା ଦେଇଛି । ଛାତ୍ର ଜଣଙ୍କ କଲେଜରେ ପାଠ ପଢୁଛନ୍ତି । ସେ ତାଙ୍କର ଜଣେ ବନ୍ଧୁଙ୍କ ସହ ଭେଟିବାକୁ ଯାଇଥିଲେ । ସେ ଘରକୁ ଫେରିବା ସମୟରେ ତାଙ୍କୁ କେତେ ଜଣ ଛାତ୍ର ଧରି ପିଟିଥିଲେ । ତାପରେ ତାଙ୍କ ଦେହରୁ ପୋଷାକ ବାହାର କରିଦେଇଥିଲେ । ଏହି ସମୟରେ ଛାତ୍ର ଜଣଙ୍କ ଛାଡିଦିଅ ବୋଲି ନିବେଦନ କରିବାରୁ ମଧ୍ୟ ଅଭିଯୁକ୍ତ ଛାଡିନଥିଲା । ପରେ ଛାତ୍ର ଜଣଙ୍କ ଚିତ୍କାର କରିବାକୁ ଲାଗିଲେ । ଶବ୍ଦ ଶୁଣି ସ୍ଥାନୀୟ ଲୋକ ଘଟଣାସ୍ଥଳରେ ପହଞ୍ଚିବାରୁ ଅଭିଯୁକ୍ତ ଜଣଙ୍କ ସ୍ଥାନ ଛାଡି ପଳାଇଥିଲା । କଳି ଏତିକିରେ ସରିନଥିଲା । ଅଭିଯୁକ୍ତ ଜଣଙ୍କ ଧମକ ମଧ୍ୟ ଦେଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ଅଭିଯୁକ୍ତଙ୍କ ର ମାମଲା ରୁଜୁ କରିଛି ।
