ଭୋପାଳ: ମଧ୍ୟପ୍ରଦେଶର ଗୁନାର ଚାନଚୌଡ଼ାରୁ ଏକ ଲୋମଟାଙ୍କୁରା ଘଟଣା ସାମ୍ନାକୁ ଆସିଛି ।ତେୟବ ଶାହ ନାମକ ଜଣେ ବ୍ୟକ୍ତି ୨୦୨୧ରେ କରୋନାରେ ମୃତ୍ୟୁ ହେବାପରେ ସେ ରାଜିୟାଙ୍କୁ ଦ୍ୱିତୀୟ ବିବାହ କରିଥିଲେ । ତେୟବଙ୍କ ପ୍ରଥମ ସ୍ତ୍ରୀଙ୍କ ୫ବର୍ଷର ପୁଅ ତୋଫିକ ରହିଛି । ଗତ ବୁଧବାର ତେୟବ ସକାଳ ୬ରେ ପାଣି ଭରିବାକୁ ଘରଠାରୁ କିଛି ଦୂରକୁ ଚାଲି ଯାଇଥିଲେ ।
ଏହି ସମୟରେ ତୋଫିକ ବିଛଣାରେ ପରିସ୍ରା କରି ଦେଇଥିଲା । ଏଥିରେ ସାବତ ମା’ ରାଜିୟା ରାଗି ଯାଇ ଶିଶୁକୁ ଲୁହା ଚେଙ୍କ ଦେଇଥିଲେ । ଶିଶୁ ଜଣକ ଯନ୍ତ୍ରଣାରେ ଚିତ୍କାର କରୁଥିବା ବେଳେ ରାଜିୟା ନଅଟକି ତୋଫିକକୁ କ୍ରମାଗତ ଭାବେ ଚେଙ୍କ ପରେ ଚେଙ୍କ ଦେଇ ଚାଲିଥିଲେ । ଏମିତିକି ପୁଅର ଗୁପ୍ତାଙ୍ଗରେ ବି ସେ ଲୁହ ଚେଙ୍କ ଦେବାକୁ ପଛାଇ ନଥିଲେ । ସାବତ ମା’ ଚେଙ୍କରେ ଶିଶୁ ଜଣକ ଯନ୍ତ୍ରଣାରେ ଛଟପଟ ହେଉଥିବା ବେଳେ ବାପା ତେୟବ ଶାହ ଆସି ଘରେ ପହଞ୍ଚି ଯାଇଥିଲେ । ସେ ପୁଅକୁ ଏପରି ଅବସ୍ଥାରେ ଦେଖି ତୁରନ୍ତ ତାକୁ ହସ୍ପିଟାଲରେ ଭର୍ତ୍ତି କରିଥିଲେ । ତୋଫିକଙ୍କ ଜେଜେମା’ ବୋହୂ ବିରୋଧରେ ଥାନାରେ ମାମଲା ରୁଜୁ କରିବାରୁ ପୁଲିସ ତଦନ୍ତ ଆରମ୍ଭ କରିଛି ।
