ହାଇଦ୍ରାବାଦ: ଉଡାଣ ମଝିରେ ତ୍ରୁଟିପୂର୍ଣ୍ଣ ଘଟଣାର ଆଉ ଏକ ମାମଲା ସାମ୍ନାକୁ ଆସିଛି । ହାଇଦ୍ରାବାଦ-ତିରୁପତି ସ୍ପାଇସଜେଟର ଏକ ବିମାନ ଗୁରୁବାର ଦିନ ସହରକୁ ଫେରି ଆସିଛି, କାରଣ ଉଡ଼ାଣ ଭରିବାର କିଛି ସମୟ ପରେ ଏଥିରେ ତ୍ରୁଟି ଦେଖାଦେଇଥିଲା। ସୂତ୍ର ଅନୁସାରେ ବିମାନ ଏସଜି ୨୬୯୬ ସକାଳ ୬.୧୦ରେ ଉଡ଼ାଣ କରିବାର ଥିଲା। ବିମାନଟି ସକାଳ ୬.୧୯ରେ ଉଡ଼ାଣ ଆରମ୍ଭ କରିଥିଲା ଏବଂ ସକାଳ ୭.୪୦ରେ ତିରୁପତିରେ ଅବତରଣ କରିବାର ଥିଲା। କିନ୍ତୁ ଉଡ଼ାଣ ଆରମ୍ଭ ହେବାର କିଛି ସମୟ ପରେ, ଏହା ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦରରେ ପୁନର୍ବାର ଅବତରଣ କରିଥିଲା।
On June 19, 2025, a SpiceJet Q400 aircraft operating the Hyderabad–Tirupati flight experienced an intermittent illumination of the AFT baggage door light after take-off. Cabin pressurisation remained normal throughout. As a precautionary measure, the pilots decided to return to… https://t.co/I3BOx1INQy
— ANI (@ANI) June 19, 2025
ବିମାନ ଫେରିବା ପରେ ସ୍ପାଇସଜେଟ୍ ଏକ ବିବୃତ୍ତି ଜାରି କରି କହିଛି ଯେ ଉଡ଼ାଣ ଭରିବା ପରେ, ଏଏଫଟି ବ୍ୟାଗେଜ ଡୋର ଲାଇଟ୍ ମଝିରେ ମଝିରେ ଜଳୁଥିଲା। ଏହି କାରଣରୁ, ସତର୍କତାମୂଳକ ପଦକ୍ଷେପ ସ୍ୱରୂପ ବିମାନକୁ ହାଇଦ୍ରାବାଦରେ ପୁନର୍ବାର ଅବତରଣ କରାଯାଇଥିଲା। ” ଯାନ୍ତ୍ରୀକ ତ୍ରୁଟି ଯୋଗୁଁ ସତର୍କତାମୂଳକ ପଦକ୍ଷେପ ସ୍ୱରୂପ, ପାଇଲଟ୍ମାନେ ହାଇଦ୍ରାବାଦ ଫେରିବାକୁ ନିଷ୍ପତ୍ତି ନେଇଥିଲେ। ବିମାନଟି ସୁରକ୍ଷିତ ଭାବରେ ଅବତରଣ କରିଥିଲା ଏବଂ ଯାତ୍ରୀମାନଙ୍କୁ ସ୍ୱାଭାବିକ ଭାବରେ ଓହ୍ଲାଇ ଦିଆଯାଇଥିଲା। ବିମାନଟି ଜରୁରୀକାଳୀନ ଅବତରଣ କରିନଥିଲା। ତିରୁପତିକୁ ପରବର୍ତ୍ତୀ ଯାତ୍ରା ପରିଚାଳନା ପାଇଁ ଏକ ବିକଳ୍ପ ବିମାନ ବ୍ୟବସ୍ଥା କରାଯାଇଛି,” ଏୟାରଲାଇନ୍ସ କହିଛି।
