ବାଘ ଛାଲ ଡିଲ ବେଳେ ମାଡିବସିଲା ସ୍ପେଶାଲ କ୍ରାଇମ ୟୁନିଟ

ଭୁବନେଶ୍ୱର: ବାଘ ଛାଲ ଡିଲ ବେଳେ ମାଡିବସିଲା ସ୍ପେଶାଲ କ୍ରାଇମ ୟୁନିଟ । ମୁଖ୍ୟ ଅଭିଯୁକ୍ତ ରୋହିତ ମହାପାତ୍ର, ମଞ୍ଜିତ ସାବତ ଓ ଶମ୍ଭୁ ବିଶୋଇଙ୍କୁ ଗିରଫ କରାଯାଇଛି । ଜବତ ବାଘ ଛାଲର ଦାମ ହେଉଛି ୩୦ ଲକ୍ଷ ଟଙ୍କା । କାରବାର କରିଥିଲେ ଦଲାଲଙ୍କୁ ମିଳିଥାନ୍ତା ୫ ଲକ୍ଷ ଟଙ୍କା। ତାରକା ହୋଟେଲରୁ ବାହାରି ସାଲିଆ ସହି ବସ୍ତି ଭିତରେ କାରବାର ବେଳେ ୩ ଅଭିଯୁକ୍ତଙ୍କୁ କାବୁ କରିଛି ସ୍ପେଶାଲ କ୍ରାଇମ ୟୁନିଟ । ଡିସିପି ଅନୁପ କାନୁନଗୋଙ୍କ ନେତୃତ୍ୱରେ ହୋଇଥିଲା ଚଢ଼ାଉ । ତେବେ ବାଘଟିକୁ ବାହାର ରାଜ୍ୟରେ ମାରି ଏଠାକୁ ଅଣାଯାଇଥିବା ସୂଚନା ଦେଇଛନ୍ତି ପୋଲିସ କମିଶନର । ବାଘ ଶରୀରର ଅନ୍ୟ ଅଂଶ କୁ କେଉଁଠାରେ ଓ କେତେ ଟଙ୍କାର ବିକ୍ରି କରାଯିବ, ସେ ନେଇ ଅଧିକ ସୂଚନା ମିଳିପାରିବ ବୋଲି କହିଛନ୍ତି ପୋଲିସ କମିଶନର ।