ବିଶ୍ୱବିଦ୍ୟାଳୟରେ ଫୁଟିଲା ଗୁଳି : ଜଣେ ମୃତ , ୧୬ ଆହତ

ୱାସିଂଟନ : ବିଶ୍ୱବିଦ୍ୟାଳୟ ଭିତରେ ଗୁଳି  ଫୁଟିଲା ।  ଟଳି ପଡିଲେ ଜଣେ ବ୍ୟକ୍ତି ।  ସେହିପରି ଅନ୍ୟ ୧୬  ଜଣ ଆହତ  ହୋଇଛନ୍ତି । ଆମେରିକାର ଆଲବାମା  ରାଜ୍ୟରେ ସ୍ଥିତ ଟସ୍କେଗି ବିଶ୍ୱବିଦ୍ୟାଳୟରେ ଘଟିଛି  ଏଭଳି କିଛି  ଘଟଣା । ସୂଚନା ଅନୁସାରେ  ଆହତମାନଙ୍କ ମଧ୍ୟରୁ ୧୨ଜଣଙ୍କ ଅବସ୍ଥା ଗୁରୁତର ରହିଛି ।  ରବିବାର ଦିନ ଏହି ଘଟଣା ଘଟିଛି  । ଛାତ୍ରଛାତ୍ରୀଙ୍କ ଉପସ୍ଥିତିରେ  ବିଶ୍ୱବିଦ୍ୟାଳୟ ପରିସରରେ ଏହି ଘଟଣା ଘଟିଥିଲା ।  ପୁଲିସ ଘଟଣାର ତଦନ୍ତ ଆରମ୍ଭ କରୁଛି ।  ତେବେ କେଉଁ କାରଣ ଯୋଗୁଁ ଏହା ହୋଇଛି ଏଯାବତ ଅସ୍ପଷ୍ଟ । ସେପଟୋ ଗୁଳି ବିନିମୟ  ହେତୁ ବିଶ୍ୱବିଦ୍ୟାଳୟ  ତଥା ଏହାର  ଆଖପାଖ ଅଞ୍ଚଳ ଅଶାନ୍ତ ହୋଇପଡିଛି ।  ପୁଲିସ ସୁଟରକୁ ଗିରଫ କରିଛି ।  ମଣ୍ଟଗୋମେରୀର ୨୫ ବର୍ଷୀୟ  ଜ୍ୟାକେଜ ମାୟରିକଙ୍କୁ  କ୍ୟାମ୍ପସ ଭିତରେ  ଗୁଳିମାଡ କରି ବାହାରକୁ ଆସିବା ବେଳେ  ଗିରଫ କରାଯାଇଛି ।  ମୃତ୍ୟୁବରଣ କରିଥିବା  ୧୮ ବର୍ଷ ବୟସ୍କ  ବ୍ୟକ୍ତି ବିଶ୍ୱବିଦ୍ୟାଳୟର ଛାତ୍ର ନୁହଁନ୍ତି ।  କିନ୍ତୁ ଆହତମାନଙ୍କ ମଧ୍ୟରେ  କିଛି ଛାତ୍ର ଥିବା ଅଧିକାରୀ କହିଛନ୍ତି  । ପୀଡିତାଙ୍କ ପିତାମାତାଙ୍କୁ ଅବଗତ କରାଯାଇଛି  । ଆହତମାନଙ୍କ ମଧ୍ୟରୁ  ଅନେକ ଓପେଲିକା ସ୍ଥିତ  ଆଲାବାମା ମେଡିକାଲ ଏବଂ  ମଣ୍ଟଗୋମରୀର  ବାପ୍ଟିଷ୍ଟ ସାଉଥ  ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି କରାଯାଇଛି ।