ବ୍ୟାଙ୍କକରେ ଗୁଳିକାଣ୍ଡ: ୬ ମୃତ

ବ୍ୟାଙ୍କକ: ଥାଇଲାଣ୍ଡର ରାଜଧାନୀ ବ୍ୟାଙ୍କକରୁ ଗୁଳିକାଣ୍ଡର ଘଟଣା ସାମ୍ନାକୁ ଆସିଛି। ସୋମବାର ଦିନ ବ୍ୟାଙ୍କକରେ ଅର୍ ଟୋର୍ କୋର୍ ମାର୍କେଟ୍‌ରେ ଗୁଳି ଚଳାଇ “କାନ୍ ଜୋମ୍ ଫାଲାଙ୍ଗ୍” ଦାନ ପଏଣ୍ଟ ନିକଟରେ ଅତି କମରେ ଛଅ ଜଣଙ୍କର ମୃତ୍ୟୁ ହୋଇଥିବା ନେଇ ସୂଚନା ମିଳିଛି। ମେଟ୍ରୋପଲିଟାନ୍ ପୋଲିସ ବ୍ୟୁରୋର ଡେପୁଟି କମିଶନର ଚାରିନ୍ ଗୋପଟ୍ଟା କହିଛନ୍ତି ଯେ ମୃତ୍ୟୁ ସଂଖ୍ୟାରେ ଆତ୍ମହତ୍ୟା କରିଥିବା ବନ୍ଧୁକଧାରୀ ମଧ୍ୟ ସାମିଲ ଅଛି। ବ୍ୟାଙ୍କକ ହସ୍ପିଟାଲଗୁଡ଼ିକର ତଦାରଖ କରୁଥିବା ଏରାୱାନ୍ ଜରୁରୀକାଳୀନ ଚିକିତ୍ସା କେନ୍ଦ୍ର ଅନୁଯାୟୀ, କୃଷି ଉତ୍ପାଦ ଏବଂ ସ୍ଥାନୀୟ ଖାଦ୍ୟ ବିକ୍ରି କରୁଥିବା ଅର୍ ଟୋର୍ କୋର୍ ବଜାରରେ ଚାରି ଜଣ ସୁରକ୍ଷା କର୍ମୀଙ୍କୁ ଏବଂ ଜଣେ ମହିଳାଙ୍କୁ ବନ୍ଧୁକଧାରୀ ହତ୍ୟା କରିଥିଲେ ଏହି ସମୟରେ ଜଣେ ବନ୍ଧୁକଧାରୀ ଆତ୍ମହତ୍ୟା କରିଥିଲେ। ରିପୋର୍ଟ ଅନୁସାରେ, ଆକ୍ରମଣକାରୀ କଳା ଟି-ସାର୍ଟ, ସାମରିକ ପ୍ୟାଟର୍ଣ୍ଣ ସର୍ଟସ ପିନ୍ଧିଥିଲା, ଏକ ବ୍ୟାକପ୍ୟାକ୍ ଧରିଥିଲା ଏବଂ ଅପରାଧୀ ଆକ୍ରମଣ କରିବା ପାଇଁ ଏକ ହ୍ୟାଣ୍ଡଗନ୍ ବ୍ୟବହାର କରିଥିଲା। ଏହି ଘଟଣାଟି କୃଷି ବଜାର ସଂଗଠନର ତାଜା ବଜାର ଜୋନରେ ଘଟିଥିଲା, ଯାହା ଫଳରେ ସେଠାରେ ଉପସ୍ଥିତ ଲୋକଙ୍କ ମଧ୍ୟରେ ଆତଙ୍କ ଖେଳିଯାଇଥିଲା। ଅଧିକ ତଥ୍ୟ ପାଇଁ ତଦନ୍ତ ଜାରି ରହିଛି।