ଆସନ୍ତା ଜୁଲାଇ ୧ ତାରିଖରୁ ଶିମିଳିପାଳ ଅଭୟାରଣ୍ୟ ବନ୍ଦ ରହିବ

ମୟୁରଭଞ୍ଜ: ବର୍ଷା ଋତୁ  ଯୋଗୁଁ ପଯ୍ୟଟକଙ୍କ ପାଇଁ   ଆସନ୍ତା ଜୁଲାଇ ୧  ତାରିଖରୁ  ଶିମିଳିପାଳ ଅଭୟାରଣ୍ୟ  ବନ୍ଦ ରହିବ ।  ଏନେଇ ବ୍ୟାଘ୍ର ସଂରକ୍ଷଣ  ପ୍ରକଳ୍ପର କ୍ଷେତ୍ର  ନିର୍ଦ୍ଦେଶକ ତଥା  ଆଞ୍ଚଳିକ  ମୁଖ୍ୟ  ବନ୍ୟପ୍ରାଣୀ  ସଂରକ୍ଷକଙ୍କ  କାଯ୍ୟାଳୟ ପକ୍ଷରୁ  ନିର୍ଦ୍ଦେଶ ଜାରି କରାଯାଇଛି ।  ପରବର୍ତ୍ତୀ ବିଜ୍ଞପ୍ତି ଯାଏଁ ଏହା ବଳବତ୍ତର ରହିବ । ତେବେ ପଯ୍ୟଟକମାନେ ଜାମୁଆଣି , ଗୁଡୁଗୁଡିଆ, କୁମାରୀ, ବରେହିପାଣୀ ଓ ରାମତୀର୍ଥ ଇକୋ ଟୁରିଜିମ ପ୍ରକଳ୍ପ ବୁଲିପାରିବେ ।