ଶରଦ ପାୱାରଙ୍କ ସ୍ୱାସ୍ଥ୍ୟାବସ୍ଥାରେ ଉନ୍ନତି

ନୂଆଦିଲ୍ଲୀ: ମହାରାଷ୍ଟ୍ରର ଜଣେ ବରିଷ୍ଠ ନେତା ଏବଂ ନ୍ୟାସନାଲିଷ୍ଟ କଂଗ୍ରେସ ପାର୍ଟିର ମୁଖ୍ୟ (ଶରଦଚନ୍ଦ୍ର ପାୱାର) ଶରଦ ପାୱାରଙ୍କ ସ୍ୱାସ୍ଥ୍ୟାବସ୍ଥା ହଠାତ୍ ଖରାପ ହେବା ପରେ ତାଙ୍କୁ ସୋମବାର  ହସ୍ପିଟାଲରେ ଭର୍ତ୍ତି କରାଯାଇଥିଲା। ରିପୋର୍ଟ ଅନୁଯାୟୀ ତାଙ୍କ ଛାତିରେ ଯନ୍ତ୍ରଣା ଏବଂ କାଶ ହେଉଥିଲା, ଯାହା ତାଙ୍କୁ ଅସ୍ୱସ୍ତି ଦେଉଥିଲା। ତାଙ୍କ ଝିଅ ଏବଂ ବାରାମତୀର ଲୋକସଭା ସାଂସଦ ସୁପ୍ରିୟା ସୁଲେ ଏବେ ଶରଦ ପାୱାରଙ୍କ ସ୍ୱାସ୍ଥ୍ୟାବସ୍ଥା ବିଷୟରେ ସୂଚନା ଦେଇଛନ୍ତି। ସୁପ୍ରିୟା ସୁଲେ କହିଛନ୍ତି ଯେ ଶରଦ ପାୱାରଙ୍କ ସ୍ୱାସ୍ଥ୍ୟାବସ୍ଥାରେ ଉନ୍ନତି ହେଉଛି। ଗତକାଲି ଅପେକ୍ଷା ଆଜି ସେ ବହୁତ ଭଲ ଅଛନ୍ତି। ବର୍ତ୍ତମାନ ପାୱାର ଆଣ୍ଟିବାୟୋଟିକ୍ ନେଉଛନ୍ତି, ଯାହା ଆଗାମୀ ଚାରି ଦିନ ପର୍ଯ୍ୟନ୍ତ ଚାଲିବ। କାଶ ଯୋଗୁଁ ପାୱାରଙ୍କୁ ପୁଣେର ରୁବି ହସ୍ପିଟାଲରେ ଭର୍ତ୍ତି କରାଯାଇଥିଲା।