ପ୍ରାଥମିକ ସଦସ୍ୟତାରୁ ଇସ୍ତଫା ଦେଲେ ବରିଷ୍ଠ ନେତା ନସିମୁଦ୍ଦିନ ସିଦ୍ଦିକି

ଲକ୍ଷ୍ନୌ: ଉତ୍ତର ପ୍ରଦେଶରେ ନିଜର ରାଜନୈତିକ ଆଧାରକୁ ମଜବୁତ କରିବା ପାଇଁ କାମ କରୁଥିବା କଂଗ୍ରେସ ଦଳକୁ ଶନିବାର ଏକ ବଡ଼ ଝଟକା ଲାଗିଛି। ପଶ୍ଚିମ ଉତ୍ତର ପ୍ରଦେଶର ପୂର୍ବତନ ରାଜ୍ୟ ସଭାପତି ଏବଂ ଜଣେ ବରିଷ୍ଠ ନେତା ନସିମୁଦ୍ଦିନ ସିଦ୍ଦିକି କଂଗ୍ରେସ ଦଳର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି। ନସିମୁଦ୍ଦିନ ସିଦ୍ଦିକି କଂଗ୍ରେସ ସଭାପତି ମଲ୍ଲିକାର୍ଜୁନ ଖାର୍ଗେ, ସୋନିଆ ଗାନ୍ଧୀ, ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ, ଉତ୍ତର ପ୍ରଦେଶ ପ୍ରଭାରୀ ଅଭିନାଶ ପାଣ୍ଡେ ଏବଂ ରାଜ୍ୟ ସଭାପତି ଅଜୟ ରାୟଙ୍କ ନିକଟକୁ ତାଙ୍କର ଇସ୍ତଫାପତ୍ର ପଠାଇଛନ୍ତି।ଏହି ଇସ୍ତଫାକୁ ଗୁରୁତ୍ୱପୂର୍ଣ୍ଣ ରାଜ୍ୟ ଉତ୍ତର ପ୍ରଦେଶରେ କଂଗ୍ରେସ ଦଳ ପାଇଁ ଏକ ବଡ଼ ରାଜନୈତିକ ଆଘାତ ଭାବରେ ଦେଖାଯାଉଛି। ତଥାପି, ସୂତ୍ର ଅନୁସାରେ ରାଜ୍ୟ ସଭାପତି ଅଜୟ ରାୟ ସିଦ୍ଦିକୀଙ୍କୁ ମନାଇବା ପାଇଁ ତାଙ୍କ ବାସଭବନକୁ ଯାଇପାରନ୍ତି। ଦଳର ବରିଷ୍ଠ ନେତାମାନେ ବର୍ତ୍ତମାନ ସିଦ୍ଦିକିଙ୍କ ସହିତ ଯୋଗାଯୋଗ କରି ତାଙ୍କୁ ମନାଇବାକୁ ଚେଷ୍ଟା କରୁଛନ୍ତି।