୨୦ ଲକ୍ଷ ଟଙ୍କାର ବ୍ରାଉନସୁଗାର ଜବତ ; ଜଣେ ଗିରଫ

ବାରିପଦା : ବାରିପଦା ଟାଉନ୍ ପୁଲିସକୁ ବଡ ସଫଳତା । ଜଣେ ବ୍ରାଉନସୁଗାର ବେପାରୀକୁ ଧରିଛି ବାରିପଦା ଟାଉନ୍ ପୁଲିସ। ଅଭିଯୁକ୍ତଠାରୁ ୧୯୯.୮ ଗ୍ରାମ୍ ଓଜନର ବ୍ରାଉନସୁଗାର ଜବତ ହୋଇଛି। ଉକ୍ତ ବ୍ରାଉନସୁଗାରର ମୂଲ୍ୟ ଆନୁମାନିକ ୨୦ ଲକ୍ଷ ଟଙ୍କା ହେବ ବୋଲି ଜଣାଯାଇଛି। ଏହାଛଡ଼ା ଏକ ଭିଭୋ ସ୍ମାର୍ଟ ଫୋନ୍ ଓ ନଗଦ ୫୧୫୦ ଟଙ୍କା ଜବତ କରାଯାଇଥିବା ନେଇ ପୁଲସ ପକ୍ଷରୁ ସୂଚନା ଦିଆଯାଇଛି। ଅଭିଯୁକ୍ତର ନାମ ଗୋବିନ୍ଦ ପାଲ୍ (୪୨)ବୋଲି ଜଣାଯାଇଛି। ତାର ଘର ମୟୂରଭଞ୍ଜ ଜିଲ୍ଲା ଭଞ୍ଜପୁର ଥାନା ତାକତପୁରରେ। ସେ ବାରପଦାର ଟାଉନର ଗୋଲାପୋଲ ନିକଟରେ ବ୍ରାଉନସୁଗାର ଧରି ଠିଆ ହୋଇଥିବା ବେଳେ ପୁଲିସ ତାକୁ ଧରିଥିଲା।