ସଚିବସ୍ତରୀୟ ବୈଠକ: ଅପାରଗଙ୍କୁ ଶୀଘ୍ର ତଡ

ଭୁବନେଶ୍ୱର: ଅଯୋଗ୍ୟ ଓ ଅପାରଗ ଅଧିକାରୀ ଓ କର୍ମଚାରୀଙ୍କୁ  ଚିହ୍ନଟ କର । ଶୀଘ୍ର ସେମାନଙ୍କୁ  ତଡ ।   ବାଧ୍ୟତାମୂଳକ ଅବସର ଦେଇ ବିଦା କର ।  ସଚିବସ୍ତରୀୟ  ବୈଠକରେ ପ୍ରତି ବିଭାଗକୁ ଏଭଳି ନିର୍ଦ୍ଦେଶ ଦେଇଛନ୍ତି  ମୁଖ୍ୟ ଶାସମ ସଚିବ ।  ମଙ୍ଗଳବାର ଲୋକସେବା ଭବନ ସମ୍ମିଳନୀ କକ୍ଷରେ  ମୁଖ୍ୟ ଶାସନ ସଚିବ ଶ୍ରୀ ଆହୁଜାଙ୍କ ଅଧ୍ୟକ୍ଷତାରେ  ସଚିବସ୍ତରୀୟ ବୈଠକ ବସିଥିଲା ।  ସରକାରୀ ଅଧିକାରୀ  ଓ କର୍ମଚାରୀମାନଙ୍କ  କାଯ୍ୟକୁ ବିଭାଗର ବିଭିନ୍ନ  ସ୍ତରରେ ସମୀକ୍ଷା କରାଯିବା ନେଇ   ବୈଠକରେ ଗୁରୁତ୍ୱ ଦିଆଯାଇଛି ।  କାମରେ ଖିଲାପ କରୁଥିବା କର୍ମଚାରୀ ଓ ଅଧିକାରୀଙ୍କୁ   ବାଧ୍ୟତାମୂଳକ ଅବସର ନେଇ କୁହାଯାଇଛି ।  ଓଡିଶଆ  ଭିଜନ ଡକ୍ୟୁମେଣ୍ଟକୁ କାଯ୍ୟକାରୀ ଦ୍ୱାରା  ସମନ୍ୱୟ ଓ କାଯ୍ୟନ୍ୱୟ ନେଇ ବୈଠକରେ ପରାମର୍ଶ ଦିଆଯାଇଛି ।  ଜିଲ୍ଲା ଗସ୍ତ ସମୟରେ ବିଭିନ୍ନ ବିଦ୍ୟାଳୟ ଗସ୍ତ କରି ସେସବୁର ପରିଚାଳନା  ଓ ସ୍ଥିତି ଅନୁଧ୍ୟାନ କରିବାକୁ କୁହାଯାଇଛି ।   ସରକାରୀ କର୍ମଚାରୀଙ୍କ ବିପକ୍ଷରେ  ବିଭାଗୀୟ ଶୃଙ୍ଖଳାଗତ କାଯ୍ୟାନୁଷ୍ଠାନ ଥିଲେ , ତାହାର ସୂଚନା ଏଚଆରଏମଏସ ପୋର୍ଟାଲରେ ପ୍ରଦର୍ଶିତ କରାଇବାକୁ କୁହାଯାଇଛି ।  ବୈଠକରେ  ଉନ୍ନୟନ କମିଶନର ଅନୁ ଗର୍ଗ ,  ଗୃହ ବିଭାଗ ଅତିରିକ୍ତ ମୁଖ୍ୟ ଶାସନ ସଚିବ ସତ୍ୟବ୍ରତ ସାହୁ ,  ସାଧାରଣ ପ୍ରଶାସନ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ସୁରେନ୍ଦ୍ର କୁମାର ଶିଳ୍ପ ବିଭାଗ ଅତିରିକ୍ତ  ମୁଖ୍ୟ ଶାସନ ସଚିବ ହେମନ୍ତ ଶର୍ମାଙ୍କ ସମେତ  ବିଭିନ୍ନ ବିଭାଗର ସଚିବମାନେ ଉପସ୍ଥିତ ଥିଲେ ।