ନଦୀକୁ ଖସିଲା ସ୍କୋର୍ପିଓ: ୨ ମୃତ

ବିହାର: ବିହାରର ମାଧେପୁରାରେ ସାମ୍ନାକୁ ଆସିଛି ଏକ ଭୟଙ୍କର ସଡକ ଦୁର୍ଘଟଣାର ଖବର। ବିବାହ ଉତ୍ସବରୁ ଫେରୁଥିବା ସମୟରେ ସ୍କୋର୍ପିଓ ନଦୀକୁ ଖସି ୨ ଯାତ୍ରୀଙ୍କ ମୃତ୍ୟୁ ଘଟିଛି। ମୃତକଙ୍କ ନାମ ସିଙ୍ଗିଆନ ପଞ୍ଚାୟତର ୱାର୍ଡ ନମ୍ବର ୯ ନିବାସୀ ଚନ୍ଦକିଶୋର ଯାଦବ (ପ୍ରାୟ ୫୫ ବର୍ଷ) ଏବଂ ପଶ୍ଚିମବଙ୍ଗର ମାଲଦା ନିବାସୀ ଚିଣ୍ଟୁ ଅଗ୍ରୱାଲ ବୋଲି ଚିହ୍ନଟ କରାଯାଇଛି। ଚିଣ୍ଟୁ ବରର ସାଥୀ ବୋଲି ସୂଚନା ମିଳିଛି। ସୂଚନା ଅନୁସାରେ, କାର୍‌ଟି ମୁରଲିଗଞ୍ଜ ବ୍ଲକର ଟିଙ୍କୋନୱା ଗ୍ରାମରୁ ସିମହେଶ୍ୱର ସ୍ଥାନକୁ ଏକ ବିବାହ ଶୋଭାଯାତ୍ରାରେ ଯୋଗ ଦେବା ପାଇଁ ଯାଇଥିଲା। ବିବାହ ଉତ୍ସବ ରବିବାର ରାତିରେ ଶେଷ ହୋଇଥିଲା। ସୋମବାର ସକାଳେ ପ୍ରାୟ ୪ଟାରୁ ୪:୩୦ ସମୟରେ ଫେରୁଥିବା ସମୟରେ ଦୁର୍ଘଟଣା ଘଟିଥିଲା। ବିବାହ ଶୋଭାଯାତ୍ରାରୁ ଫେରୁଥିବା ବେଳେ ନିୟନ୍ତ୍ରଣ ହରାଇ ସ୍କୋର୍ପିଓ କାର୍‌ଟି ମୁରଲିଗଞ୍ଜ ଥାନା ଅଞ୍ଚଳ ନିକଟରେ ରାମପୁର ବାଲୁଆହା ନଦୀରେ ଖସି ପଡିଥିଲା। ସ୍କୋର୍ପିଓରେ ଛଅ ଜଣ ଥିଲେ, ସେମାନଙ୍କ ମଧ୍ୟରୁ ଚାରି ଜଣ ଖସି ପଳାଇବାରେ ସଫଳ ହୋଇଥିଲେ ଥିବା ବେଳେ ଦୁଇ ଜଣଙ୍କର ମୃତ୍ୟୁ ହୋଇଥିଲା। ଘଟଣା ପରେ ସ୍ଥାନୀୟ ଲୋକଙ୍କଠାରୁ ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି କାର୍‌ଟି ଉଦ୍ଧାର କରି ମୃତଦେହକୁ ହେପାଜତକୁ ନେଇ ତଦନ୍ତ ଆରମ୍ଭ କରିଛି।