ଡାଇରିଆ କଟକଣା ପରେ ଯାଜପୁରରେ ଆଜି ଖୋଲିଲା ସ୍କୁଲ

ଯାଜପୁର: ଡାଇରିଆ କଟକଣା ପରେ ଆଜିଠୁ  ଯାଜପୁରରେ   ଖୋଲୁଛି ସ୍କୁଲ ।  ଜିଲ୍ଲାପଳଙ୍କ ନିର୍ଦ୍ଦେଶକ୍ରମେ   ସ୍କୁଲ ଛୁଟି ଘୋଷଣାକୁ ୫ ଦିନ ପାଇଁ ବୃଦ୍ଧି କରାଯାଇଥିଲା ।  ତେବେ ସ୍କୁଲ ଖୋଲିବା ନେଇ  ବ୍ୟାପକ ପ୍ରସ୍ତୁତି  କରାଯାଇଛି ।  ସ୍କୁଲଗୁଡିକୁ ସଫେଇ କରାଯାଉଛି ।  ଜିଲ୍ଲା  ଶିକ୍ଷାଧିକାରୀ ପ୍ରତି  ବ୍ଲକ ଶିକ୍ଷା ଅଧିକାରୀଙ୍କ ସହ   ଯୋଗାଯୋଗରେ ରହି  ସ୍କୁଲ ଜଳ ବିଶୋଧନକୁ  ଗୁରୁତ୍ୱ ଦେଇଥିବା ବେଳେ  ଜିଲ୍ଲାପାଳ ମଧ୍ୟ ଏହାକୁ  ମନିଟରିଙ୍ଗ କରିଛନ୍ତି ।  ଅନ୍ୟପଟେ  ଯାଜପୁରରେ ଡାଇରିଆ ପରେ ଜଣ୍ଡିସ ସମସ୍ୟା ଦେଖାଦେଇଛି । ଜଣ୍ଡିସ ରୋଗୀ  ଚିହ୍ନଟ ପରେ  ତତ୍ପର ହୋଇଛି ସ୍ୱାସ୍ଥ୍ୟ  ବିଭାଗ  ଗତକାଲି ୧୫ ଜଣଙ୍କ ରକ୍ତ , ୧୦ ଜଣଙ୍କ ଝାଡା ଓ  ୪ ଜଣଙଅକ ଜଳ ନମୁନା  ପରୀକ୍ଷା ପାଇଁ  ନିଆଯାଇଛି ।  ଗାଁରେ ସ୍ୱାସ୍ଥ୍ୟ କ୍ୟାମ୍ପ କରାଯାଇ  ସେବା ଯୋଗାଇ ଦିଆଯାଉଛି ।