ଜେଲେନସ୍କିଙ୍କ ଆତଙ୍କୀ ଶିବିର ଉପରେ ଋଷ୍‌ର ମିସାଇଲ୍ ମାଡ

ନୂଆଦିଲ୍ଲୀ: ରୁଷ ୟୁକ୍ରେନ ଉପରେ ‘ଇସ୍କନ୍ଦର’ କ୍ଷେପଣାସ୍ତ୍ର ଦ୍ବାରା ଏକ ବଡ଼ ଆକ୍ରମଣ କରିଛି। ରୁଷର ଦାବି ଅନୁଯାୟୀ, ସେ ଜେଲେନସ୍କିଙ୍କ ଆତଙ୍କବାଦୀ ଠିକଣାକୁ ଟାର୍ଗେଟ କରି ଏକ ବଡ଼ ଆକ୍ରମଣ କରିଛି। ୟୁକ୍ରେନର ହୋନଚାରିଭସ୍କେରେ ୨ ଶହରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ଦାବି କରିଛି। ରୁଷ ପ୍ରତିରକ୍ଷା ମନ୍ତ୍ରଣାଳୟ ଦାବି କରିଛି ଯେ, ଏହାର ସେନା ‘ଇସ୍କନ୍ଦର’ ବାଲିଷ୍ଟିକ୍ କ୍ଷେପଣାସ୍ତ୍ର ସହିତ ୟୁକ୍ରେନର ହୋନଚାରିଭସ୍କେ ଅଞ୍ଚଳରେ ଅବସ୍ଥିତ ଏକ କଥିତ ଜେଲେନସ୍କି ସମର୍ଥକ ଆତଙ୍କବାଦୀ ଶିବିର ଉପରେ ସଠିକ୍ ଆକ୍ରମଣ କରିଛି। ରିପୋର୍ଟ ଅନୁଯାୟୀ, ଆକ୍ରମଣରେ ୨ଶହରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ମନ୍ତ୍ରାଳୟ ଅନୁଯାୟୀ,ଏହି ଆକ୍ରମଣରେ କ୍ଲଷ୍ଟର ଏବଂ ଉଚ୍ଚ-ବିସ୍ଫୋରକ ଯୁଦ୍ଧାସ୍ତ୍ର ବ୍ୟବହାର କରାଯାଇଥିଲା,ଯାହା ଭୂମିରେ ପ୍ରବଳ କ୍ଷତି କରିଥିଲା। ରୁଷ ପ୍ରତିରକ୍ଷା ମନ୍ତ୍ରଣାଳୟ ଏହାକୁ ଏକ “ସଠିକତା ଆକ୍ରମଣ” ଭାବରେ ବର୍ଣ୍ଣନା କରିଛି ଏବଂ କହିଛି ଯେ ଏହାର ଲକ୍ଷ୍ୟ ୟୁକ୍ରେନୀୟ ସଶସ୍ତ୍ର ବାହିନୀର ପଛ ଘାଟି ଏବଂ ରଣନୈତିକ ସମାବେଶକୁ ଦୁର୍ବଳ କରିବା। ତଥାପି, ୟୁକ୍ରେନରୁ ଏହି ଦାବି ଉପରେ କୌଣସି ସୂଚନା ମିଳିନାହିଁ ।