ସଡ଼କ ଦୁର୍ଘଟଣା: ପିକଅପ୍ ଓଲଟି ୭ ଶ୍ରଦ୍ଧାଳୁ ମୃତ

ନୂଆଦିଲ୍ଲୀ : ସୋମବାର ମହାରାଷ୍ଟ୍ରର ପୁଣେର ଖେଦ୍ ତାଲୁକାରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। କୁଣ୍ଡେଶ୍ୱର ଦର୍ଶନ ପାଇଁ ଭକ୍ତମାନେ ପିକଅପ୍ ରେ ଯାଉଥିଲେ । ଭାରସାମ୍ୟ ହରାଇ ପିକଅପ ଟି ଓଲଟି ପଡିଛି । ଫଳରେ ଦୁର୍ଘଟଣାରେ ସାତ ଜଣ ପ୍ରାଣ ହରାଇଛନ୍ତି।  ଶ୍ରାବଣ ମାସର ସୋମବାର ଅବସରରେ ଦର୍ଶନ ପାଇଁ ଯାଉଥିବା ସମୟରେ ରବିବାର-ସୋମବାର ରାତି ପ୍ରାୟ ୧:୧୫ ସମୟରେ ଏହି ଦୁର୍ଘଟଣା ଘଟିଥିଲା। ଏହି ଦୁର୍ଘଟଣାରେ ୨୫ ରୁ ୩୦ ଜଣ ମହିଳା ଭକ୍ତ ଆହତ ହୋଇଛନ୍ତି। ଘାଟ ଉପରେ ଚଢ଼ିବା ସମୟରେ ମହିଳା ଭକ୍ତଙ୍କ ପିକଅପ୍ ଜିପ୍ ଟି ଏକ ମୋଡ଼ରେ ଓଲଟି ପଡ଼ିଥିଲା। ଜିପ୍ ଟି ୫ ରୁ ୬ ରାଉଣ୍ଡ ଗଡ଼ିବା ଫଳରେ ୨୫ ରୁ ୩୦ ଜଣ ମହିଳା ଭକ୍ତ ଗୁରୁତର ଆହତ ହୋଇଥିଲେ, ଯେତେବେଳେ ୭ ଜଣ ମହିଳା ଭକ୍ତ ପ୍ରାଣ ହରାଇଥିଲେ। ଖବର ପାଇଁ ଉଦ୍ଧାର ବାହିନୀ ଦଳ ପହଁଚି ଉଦ୍ଧାର କାର୍ଯ୍ୟ ଜାରି ରହିଛି ।