ସଡକ ଦୁର୍ଘଟଣା : ୧୦ କାଉଡ଼ିଆ ଆହତ

ସାଲେପୁର : ଓଲଟିଲା କାଉଡିଆ ଗାଡ଼ି ଫଳରେ ୧୦ ଜଣ କାଉଡ଼ିଆ ଆହତ ହୋଇଛନ୍ତି । ପାଣି ଉଠାଇବାକୁ ଗଡ଼ଗଡ଼ିଆ ଘାଟକୁ ଆସୁଥିବା ବେଳେ ସାଲେପୁର କେନ୍ଦ୍ରାପଡ଼ା କେନାଲ ବନ୍ଧରେ ଦୁର୍ଘଟଣାଗ୍ରସ୍ତ ହୋଇଛି ଏକ ଟାଟା ଏସି ଗାଡ଼ି । ଭାରସାମ୍ୟ ହରାଇ କେନାଲ ବନ୍ଧରେ ଓଲଟି ପଡ଼ିଥିଲା । ୧୦ ଜଣ କାଉଡ଼ିଆ ଭକ୍ତ ଆହତ ହୋଇଥିବା ବେଳେ ଜଣେ ଗୁରୁତର ହୋଇଛନ୍ତି । ସମସ୍ତଙ୍କୁ ପ୍ରଥମେ ସାଲେପୁର ମେଡିକାଲରେ ଭର୍ତ୍ତି କରାଯାଇଥିଲା । ୩ ଜଣଙ୍କୁ କଟକ ଏସସିବି ସ୍ଥାନାନ୍ତର କରାଯାଇଛି । ଦୁର୍ଘଟଣାଗ୍ରସ୍ତ ହୋଇଥିବା ଗାଡ଼ିରେ ୨୦ ରୁ ଅଧୂକ କାଉଡ଼ିଆ ଗଡ଼ଗଡ଼ିଆ ଘାଟକୁ ଆସୁଥିବା ଜଣାଯାଇଛି।