ସଡକ ଦୁର୍ଘଟଣା : ଜଣେ ମୃତ, ୨ ଗୁରୁତର

ମୟୁରଭଞ୍ଜ : ମୟୁରଭଞ୍ଜ ଜିଲ୍ଲା  ବିଶୋଇ ଥାନା ଡୁମୁରଡିହା ଛକ ନିକଟରେ  ୪୯ ନମ୍ବର  ଜାତୀୟ ରାଜପଥରେ  ଗତକାଲି ବିଳମ୍ବିତ ରାତିରେ  ଏକ ଟ୍ରାକ୍ଟର ସହିତ  ଧକ୍କା ଦେବା ପରେ  ଏକ ପିଆଜ ବୋଝେଇ ଟ୍ରକ ଜଳି ଯାଇଛି । ଏହାସହିତ ଏକ ବାଇକ ମଧ୍ୟ ଜଳିଯାଇଛି ।  ଏହି ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି ।  ମୃତକଙ୍କ ନାଁ ପପୁ ମହାନ୍ତି ତାଙ୍କ ଘର ନୂଆଗାଁରେ । ସେ ଦୁର୍ଘଟଣାଗ୍ରସ୍ତ ଟ୍ରକରେ ବସିଥିଲେ ।  ସେହିପରି ଗୁରୁତର ଆହତ ଦ୍ୱୟ ହେଉଛନ୍ତି  ପିଆଜ ବୋଝେଇ ଟ୍ରକର ଡ୍ରାଇଭର ଓ ହେଲପର । ସେମାନଙ୍କୁ ରାଇରଙ୍ଗପୁର ଡାକ୍ତରଖାନାରେ ଭର୍ତ୍ତି କରାଯାଇଛି । ଟ୍ରାକ୍ଟର ସହିତ ଧକ୍କା ହେବା ପରେ  ପିଆଜ ବୋଝେଇ ଟ୍ରକ ଓଲଟି ପଡିଥିଲା । ଏହାପରେ ସେଥିରେ ନିଆଁ ଲାଗିଯାଇଥିଲା ।  ବିଶୋଇ ଥାନା ପୋଲିସ ଏହି ଘଟଣାର ତଦନ୍ତ କରୁଛି ।