ଧାରଣାରେ ରେଭେନ୍ସା ଛାତ୍ରଛାତ୍ରୀ

କଟକ: ନୂଆଖାଇ ଭେଟ୍‌ଘାଟ ପାଇଁ ମିଳିଲାନି ଅନୁମତି । ଧାରଣାରେ ବସିଲେ ରେଭେନ୍ସା ଛାତ୍ରଛାତ୍ରୀ । ରେଭେନ୍ସା ବିଶ୍ବବିଦ୍ୟାଳୟରେ ନୂଆଖାଇ ଭେଟ୍‌ଘାଟ କାର୍ଯ୍ୟକ୍ରମ ପାଇଁ କର୍ତ୍ତୃପକ୍ଷଙ୍କୁ ଅନୁମତି ମାଗିଥିଲେ ଛାତ୍ରଛାତ୍ରୀ । ବିଶ୍ବବିଦ୍ୟାଳୟ ନିୟମ ଅନୁସାରେ ଅନୁମତି ପାଇଁ ବିଭିନ୍ନ ସ୍ତରରେ ଛାତ୍ରଛାତ୍ରୀ ଆବେଦନ କରିଥିଲେ । ହେଲେ ଶେଷ ସମୟରେ ଉତ୍ସବ ପାଇଁ ଅନୁମତି ଦେଇନଥିଲେ କର୍ତ୍ତୃପକ୍ଷ । ଏହାକୁ ବିରୋଧ କରି ଛାତ୍ରଛାତ୍ରୀମାନେ ଧାରଣାରେ ବସିଥିଲେ । ଧାରଣାରେ ବସିଥିବା ଛାତ୍ରଛାତ୍ରୀଙ୍କ ସହ କର୍ତ୍ତୃପକ୍ଷ ଆଲୋଚନା କରିବାକୁ ଆସିନାହାନ୍ତି । ଅନୁମତି ନମିଳିବା ଯାଏଁ ପ୍ରତିବାଦ ଜାରି ରଖିବାକୁ ଛାତ୍ରଛାତ୍ରୀ ନିଷ୍ପତ୍ତି ନେଇଛନ୍ତି ।