ନୂଆଦିଲ୍ଲୀ : ସାରା ଦେଶରେ ବଢୁଛି ଶୀତ । ଉତ୍ତର ପଶ୍ଚିମ ମଧ୍ୟଭାଗରେ ତାପମାତ୍ରାରେ ବଡ ହ୍ରାସ ପାଇଛି । ପୂର୍ୱ ଓ ପଶ୍ଚିମ ଭାରତରେ ମଧ୍ୟ ପ୍ରବଳ ଶୀତ ଅନୁଭୁତ ହେଉଛି । ୟୁପିରେ ୨୦ ବର୍ଷର ରେକର୍ଡ ଭାଙ୍ଗିଛି ଶୀତ। ଉତ୍ତର ପ୍ରଦେଶରେ ଡିସେମ୍ବର ମାସ ଦ୍ବିତୀୟ ସପ୍ତାହରେ ମଧ୍ୟ ଶୀତ ଦେଖିବାକୁ ମିଳୁଛି। ଏଠାରେ ତୃତୀୟ ଓ ଚତୁର୍ଥ ସପ୍ତାହରେ ଶୀତ ଅନୁଭୂତ ହୋଇଥାଏ। ସେହିପରି ମଧ୍ୟପ୍ରଦେଶରେ ସର୍ବନିମ୍ନ ତାପମାତ୍ରା ୧ ଦଶମିକ ୫ ଡିଗ୍ରୀ ରେକର୍ଡ କରାଯାଇଛି। ଭୋପାଳରେ ପାରଦ ୪ ଡିଗ୍ରୀକୁ ଖସି ଯାଇଥିଲା। ରାଜସ୍ଥାନର ୧୧ ସହରରେ ଚଳିତ ଶୀତରେ ସବୁଠୁ କମ୍ ତାପମାତ୍ରା ରେକର୍ଡ ହୋଇଛି।
