ରାଜସ୍ଥାନରେ ରେକର୍ଡ ଭାଙ୍ଗିଲା ଶୀତ: ଫତେହପୁରରେ ସର୍ବନିମ୍ନ ତାପମାତ୍ରା ୫ ଡିଗ୍ରୀ

ରାଜସ୍ଥାନ: ରାଜସ୍ଥାନରେ ଶୀତର ଲହରୀ ତୀବ୍ର ହେବାରେ ଲାଗିଛି। ରାଜସ୍ଥାନର ସିକର  ଜିଲ୍ଲାର ଫତେହପୁରରେ ସର୍ବନିମ୍ନ ତାପମାତ୍ରା ୫ ଡିଗ୍ରୀ ରେକର୍ଡ କରାଯାଇଛି। ପାଣିପାଗ କେନ୍ଦ୍ରର କହିବା ଅନୁସାରେ, ରାଜ୍ୟର ଅନେକ ସ୍ଥାନରେ ସର୍ବନିମ୍ନ ତାପମାତ୍ରା  ସ୍ୱାଭାବିକଠାରୁ  ୩ରୁ ୪ ଡିଗ୍ରୀ ସେଲସିୟସ  କମନ ରେକର୍ଡ କରାଯାଇଛି। ଅଧିକାଂଶ ଅଞ୍ଚଳରେ  ରାତିର ତାପମାତ୍ରା  ୫ ଡିଗ୍ରୀ ସେଲସିୟସରୁ ୧୩ ଡିଗ୍ରୀ ସେଲସିୟସ  ମଧ୍ୟରେ ରେକର୍ଡ କରାଯାଇଛି । ଯାହା ମୌସୁମୀ ହାରାହାରି ଠାରୁ ବହୁତ କମ । ଚଳିତ ନଭେମ୍ବର ମାସରେ  ରାଜ୍ୟରେ ରେକର୍ଡ ଭାଙ୍ଗି ଥଣ୍ଡା ଅନୁଭୁତ ହେଉଛି। ସୋମବାର ମାଉଣ୍ଟ ଆବୁରେ ସର୍ବନିମ୍ନ ତାପମାତ୍ରା ଶୂନ ଡିଗ୍ରୀକୁ ଖସିଛି । ସକାଳେ ଖୋଲା  ପଡିଆକୁ ଧଳା ତୁଷାର ଚାଦର ଘୋଡାଇ ଦେଇଥିଲା। ଆଗାମୀ ୨୪ ଘଣ୍ଟା ମଧ୍ୟରେ ରାଜ୍ୟରେ ତାପମାତ୍ରା ଆହୁରି ହ୍ରାସ ପାଇବ ବୋଲି ଆଶା କରାଯାଉଛି ।