ଆରବିଆଇ ପକ୍ଷରୁ ୩ଟି ବ୍ୟାଙ୍କକୁ ଜରିମାନା

ନୂଆଦିଲ୍ଲୀ: ଭାରତୀୟ  ରିଜର୍ଭ ବ୍ୟାଙ୍କ ପକ୍ଷରୁ ଦେଶର ତିନିଟି ବ୍ୟାଙ୍କ  ଉପରେ ଜରିମାନା ଲଗାଯାଇଛି ।  କୋଟକ ମହିନ୍ଦ୍ରା ବ୍ୟାଙ୍କ ଉପରେ  ୬୧.୪୦ ଲକ୍ଷ ଟଙ୍କା , ଆଇଡିଏଫସି  ଫାଷ୍ଟ ବ୍ୟାଙ୍କ ଉପରେ ୩୮. ୬୦ ଲକ୍ଷ ଟଙ୍କା  ଓ ପଞ୍ଜାବ ନ୍ୟାସନାଲ ବ୍ୟାଙ୍କ ଉପରେ  ୨୯.୬୦ ଲକ୍ଷ ଟଙ୍କାର ଜରିମାନା ଲାଗୁ କରାଯାଇଛି । ବ୍ୟାଙ୍କରେ  ଗ୍ରାହକ ସେବାକୁ ନେଇ ରହିଥିବା  କେତେକ ନିୟମକୁ ଠିକ ଭାବେ ପାଳନ କରିନଥିବାରୁ   ପଞ୍ଜାବ ନ୍ୟାସନାଲ ବ୍ୟାଙ୍କୁ ଜରିମାନା କରାଯାଇଛି ।  କେୱାଇସି ନିୟମକୁ ଠିକ ଭାବେ ପାଳନ କରିନଥିବାରୁ  ଆଇଡିଏଫସି ଫାଷ୍ଟ ବ୍ୟାଙ୍କ ଏବଂ ଋଣ ବ୍ୟବସ୍ଥା ସମ୍ପର୍କିତ କେତେକ ନିୟମକୁ ଠିକ ଭାବେ ପାଳନ କରିନଥିବାରୁ କୋଟକ ମହିନ୍ଦ୍ରା ବ୍ୟାଙ୍କ ଉପରେ ଜରିମାନା ଲଗାଯାଇଛି ।