ଭୁବନେଶ୍ୱର : ବହୁ ସମୟର ଅପେକ୍ଷା ପରେ ଆଜି ରାଜଧାନୀରେ ବର୍ଷା ସହ ଘଡଘଡି ଦେଖାଦେଇଛି । ଗରମ ଗୁଳୁଗୁଳି ସହ ତାତି ପାଗକୁ ଆଜି ଭିଜେଇଛି ବର୍ଷା । ଏ ଟିକକ ବର୍ଷା ପାଇ ଟିକେ ଶାନ୍ତି ପଡିଯାଇଛି ଜୀବଜଗତ । ତେବେ ଘଡଘଡି ସହ ବର୍ଷା ନେଇ ୨୩ ଜିଲ୍ଲାକୁ ୟେଲୋ ଆଲର୍ଟ ଜାରି କରାଯାଇଛି । ୨୪ ଘଣ୍ଟା ପାଇଁ ପାଣିପାଗ ବିଭାଗ ପକ୍ଷରୁ ୟେଲୋ ଆଲର୍ଟ ଜାରି କରାଯାଇଛି । ବାଲେଶ୍ୱର, ଭଦ୍ରକ, କେନ୍ଦ୍ରାପଡା, ଯାଜପୁର, କଟକ, ପୁରୀ ,ଖୋର୍ଦ୍ଧା , ଗଂଜାମ , ଜଗତସିଂହପୁର, ଅନୁଗୁଳ , ବୌଦ୍ଧ, ସୁବର୍ଣ୍ଣପୁର , ନୟାଗଡ, କେନ୍ଦୁଝରକୁ ଆଲର୍ଟ ଜାରି ହୋଇଛି ।