ପୁରୀ: ଆଜି ଖଡି ପ୍ରସାଦ ବିଜେ ନୀତି

ପୁରୀ: ଆଜି ଅନବସରର  ଚତୁର୍ଦ୍ଦଶୀ ତିଥି । ଶ୍ରୀମନ୍ଦିରରେ ହେବ  ମହାପ୍ରଭୁଙ୍କ  ବନକ ଲାଗି ନୀତି ।   ଦତ୍ତମହାପାତ୍ର ସେବାୟତ   ଶ୍ରୀଜୁଇଙ୍କ ଶ୍ରୀମୁଖ ଶୃଙ୍ଗାର କରିବେ ।  ଘଣ୍ଟ , ଛତା , କାହାଳୀ,  ମଧ୍ୟରେ   ଶ୍ରୀନଅରରୁ  ଖଡିପ୍ରସାଦ ବିଜେ କରାଯିବ । ମହାପ୍ରଭୁଙ୍କୁ ଲାଗି   ହୋଇଥିବା ଖଡିପ୍ରସାଦ ଦଇତାପତି ଓ ଦତ୍ତମହାପାତ୍ର ସେବକମାନେ ରୁପା ଥାଳରେ ଆଣି  ଗଜପତି ମହାରାଜଙ୍କୁ  ଅର୍ପଣ କରିବେ । ଏହାପରେ ହିଙ୍ଗୁଳା , ହରିତାଳ, କେଶର, କସ୍ତୁରୀ ଭଳି ପାରମ୍ପରିକ ରଙ୍ଗ ବ୍ୟବହାର କରି  ଦତ୍ତମହାପାତ୍ର ସେବାୟତମାନେ  ବନକଲାଗି କରିବେ ।  ଏହାପରେ ପ୍ରଭୁ ନବଯୌବନ ବେଶରେ  ଭକ୍ତଙ୍କୁ  ଦର୍ଶନ ଦେବେ । ସେପଟେ ୩  ଦିନ  ପରେ ରଥଯାତ୍ରା ଥିବା ବେଳେ   ରଥ ନିର୍ମାଣ କାଯ୍ୟ ମଧ୍ୟ ଶେଷ ପଯ୍ୟାୟରେ ପହଞ୍ଚିଛି ।