ନୂଆଦିଲ୍ଲୀ: ସମ୍ବିଧାନ ଦିବସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଚିଠି । ଚିଠିରେ ପ୍ରଧାନମନ୍ତ୍ରୀ ନାଗରିକମାନଙ୍କୁ ସେମାନଙ୍କର ସାମ୍ବିଧାନିକ କର୍ତ୍ତବ୍ୟ ପାଳନ କରିବାକୁ ନିବୋଦନ କରିଛନ୍ତି । ଚିଠିରେ ମୋଦୀ ଉଲ୍ଲେଖ କରିଛନ୍ତି ଯେ ନାଗରିକମାନେ ହେଉଛନ୍ତି ଏକ ଦୃଢ ଗଣତନ୍ତ୍ରର ମୂଳଦୁଆ । ସମ୍ବିଧାନ ଦିବସରେ ନାଗରିକମାନଙ୍କୁ ସମ୍ବୋଧିତ କରି ଚିଠିରେ ମୋଦୀ ଭୋଟ ଅଧିକାର ବ୍ୟବହାର କରି ଗଣତନ୍ତ୍ରକୁ କରିବାର ଦାୟିତ୍ୱ ଉପରେ ମଧ୍ୟ ଗୁରୁତ୍ୱାରୋପ କରିଛନ୍ତି । ଏହା ୧୮ ବର୍ଷ ବୟସ ପୂରଣ କରି ପ୍ରଥମ ଥର ପାଇଁ ଭୋଟର ହୋଇଥିବା ପିଲାମାନଙ୍କୁ ସମ୍ମାନିତ କରି ସ୍କୁଲ ଏବଂ କଲେଜଗୁଡିକ ସମ୍ବିଧାନ ଦିବସ ପାଳନ କରିବାକୁ ପରାମର୍ଶ ଦେଇଛନ୍ତି । କର୍ତ୍ତବ୍ୟ ପାଳନ ମାଧ୍ୟମରେ ଅଧିକାର ଅର୍ଜନ ହୁଏ ବୋଲି ମହାତ୍ମା ଗାନ୍ଧୀଙ୍କ ଧାରଣାକୁ ମୋଦି ମନେ ପକାଇଛନ୍ତି। ସେ ଗୁରୁତ୍ୱାରୋପ କରିଛନ୍ତି ଯେ କର୍ତ୍ତବ୍ୟ ପାଳନ ହେଉଛି ସାମାଜିକ ଏବଂ ଆର୍ଥିକ ପ୍ରଗତି ପାଇଁ ଆଧାର। ସେ ଏହା ମଧ୍ୟ ଗୁରୁତ୍ୱାରୋପ କରିଛନ୍ତି ଯେ ଆଜି ନିଆଯାଇଥିବା ନୀତି ଏବଂ ନିଷ୍ପତ୍ତି ଆଗାମୀ ପିଢ଼ିର ଜୀବନକୁ ଗଢ଼ିବ। ପ୍ରଧାନମନ୍ତ୍ରୀ ନାଗରିକମାନଙ୍କୁ “ବିକଶିତ ଭାରତ” ଲକ୍ଷ୍ୟ ଆଡ଼କୁ ଅଗ୍ରସର ହେବା ସହିତ ସେମାନଙ୍କର କର୍ତ୍ତବ୍ୟକୁ ପ୍ରାଥମିକତା ଦେବାକୁ ଅନୁରୋଧ କରିଛନ୍ତି।
On Constitution Day, we pay tribute to the framers of our Constitution. Their vision and foresight continue to motivate us in our pursuit of building a Viksit Bharat.
Our Constitution gives utmost importance to human dignity, equality and liberty. While it empowers us with…
— Narendra Modi (@narendramodi) November 26, 2025
ଏହି ଅବସରରେ ଏକ୍ସରେ ମଧ୍ୟ ଏକ ପୋଷ୍ଟ କରି ମୋଦି ଲେଖିଛନ୍ତି, “ଆମର ସମ୍ବିଧାନ ମାନବିକ ମର୍ଯ୍ୟାଦା, ସମାନତା ଏବଂ ସ୍ୱାଧୀନତାକୁ ସର୍ବୋଚ୍ଚ ଗୁରୁତ୍ୱ ଦିଏ। ଏହା ଆମକୁ ଅଧିକାର ସହିତ ସଶକ୍ତ କରିଥାଏ ଏବଂ ନାଗରିକ ଭାବରେ ଆମର କର୍ତ୍ତବ୍ୟଗୁଡ଼ିକୁ ମଧ୍ୟ ମନେ ପକାଇଥାଏ, ଯାହାକୁ ଆମେ ସର୍ବଦା ପାଳନ କରିବାକୁ ଚେଷ୍ଟା କରିବା ଉଚିତ। ଏହି କର୍ତ୍ତବ୍ୟଗୁଡ଼ିକ ଏକ ଦୃଢ଼ ଗଣତନ୍ତ୍ରର ମୂଳଦୁଆ।” ସେ ସମ୍ବିଧାନ ପ୍ରଣେତାମାନଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରି କହିଛନ୍ତି, “ଏକ ବିକଶିତ ଭାରତ ନିର୍ମାଣ ପାଇଁ ସେମାନଙ୍କର ଦୃଷ୍ଟିକୋଣ ଆମକୁ ପ୍ରେରଣା ଦେଇ ଆସୁଛି।” ପ୍ରତିବର୍ଷ ନଭେମ୍ବର ୨୬ ତାରିଖକୁ ଜାତୀୟ ସମ୍ବିଧାନ ଦିବସ ଭାବରେ ପାଳନ କରାଯାଏ। ୧୯୪୯ ମସିହା ନଭେମ୍ବର ୨୬ରେ ଭାରତ ସମ୍ବିଧାନକୁ ଗ୍ରହଣ କରିଯାଇଥିଲା ଏବଂ ୧୯୫୦ ମସିହା ଜାନୁଆରୀ ୨୬ରେ ଏହାକୁ ଭାରତରେ ଲାଗୁ କରାଯାଇଥିଲା ।
