ଜାତିର ପିତାଙ୍କୁ ଶ୍ରଦ୍ଧାଞ୍ଜଳି ଜଣାଇଲେ ରାଷ୍ଟ୍ରପତି

ନୂଆଦିଲ୍ଲୀ: ଜାତିର ପିତା ମହାତ୍ମା ଗାନ୍ଧୀଙ୍କ ତିରୋଧାନ ଦିବସ । ନୂଆଦିଲ୍ଲୀ ରାଜଘାଟରେ ଶ୍ରଦ୍ଧାଞ୍ଜଳି ଜଣାଇଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ।ଏଥି ସହିତ ପ୍ରଧାନମନ୍ତ୍ରୀ ମୋଦି ଓ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଗୃହମନ୍ତ୍ରୀ ଅମିତ ଶାହଙ୍କ ସମେତ ଅନେକ ରାଜନେତା ଶ୍ରଦ୍ଧାଞ୍ଜଳି ଜଣାଇଛନ୍ତି । ପ୍ରଧାନମନ୍ତ୍ରୀ ମୋଦି ଇନଷ୍ଟାଗ୍ରାମରେ ପୋଷ୍ଟ କରି କହିଛନ୍ତି, ଜାତିର ପିତା ମହାତ୍ମା ଗାନ୍ଧୀଙ୍କ ଶ୍ରାଦ୍ଧବାର୍ଷିକୀରେ ମୋର ହୃଦୟସ୍ପର୍ଶୀ ଶ୍ରଦ୍ଧାଞ୍ଜଳି । ସମ୍ମାନୀୟ ବାପୁ ସର୍ବଦା ସ୍ୱଦେଶୀ ଉପରେ ଗୁରୁତ୍ୱ ଦେଇଥିଲେ, ଯାହା ଏକ ବିକଶିତ ଏବଂ ସ୍ୱାବଲମ୍ବୀ ଭାରତ ପାଇଁ ଆମର ସଂକଳ୍ପର ମୂଳଦୁଆ ମଧ୍ୟ। ତାଙ୍କର ବ୍ୟକ୍ତିତ୍ୱ ଏବଂ କାର୍ଯ୍ୟ ସର୍ବଦା ଆମ ଦେଶବାସୀଙ୍କୁ କର୍ତ୍ତବ୍ୟର ପଥ ଅନୁସରଣ କରିବାକୁ ପ୍ରେରଣା ଦେବ।” ଅନ୍ୟ ଏକ ପୋଷ୍ଟରେ ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ସମ୍ମାନିତ ବାପୁ ସର୍ବଦା ମାନବତାକୁ ରକ୍ଷା କରିବା ପାଇଁ ଅହିଂସା ଉପରେ ଗୁରୁତ୍ୱ ଦେଇଥିଲେ। ଏଥିରେ ଅସ୍ତ୍ର ବିନା ବିଶ୍ୱକୁ ପରିବର୍ତ୍ତନ କରିବାର ଶକ୍ତି ଅଛି।” ଗୃହମନ୍ତ୍ରୀ ଅମିତ ଶାହ ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି ଜଣାଇଛନ୍ତି ମହାତ୍ମା ଗାନ୍ଧୀଙ୍କ ଶ୍ରାଦ୍ଧ ବାର୍ଷିକୀରେ ମୋର ହୃଦୟସ୍ପର୍ଶୀ ଶ୍ରଦ୍ଧାଞ୍ଜଳି। ଭାଷା, ଅଞ୍ଚଳ ଏବଂ ଜାତି ଦ୍ୱାରା ବିଭକ୍ତ ଦେଶକୁ ଏକତ୍ର କରି ସମ୍ମାନନୀୟ ବାପୁ ସ୍ୱାଧୀନତା ଆନ୍ଦୋଳନକୁ ବ୍ୟାପକ ସମର୍ଥନ ଦେଇଥିଲେ। ସ୍ୱଦେଶୀ, ସ୍ୱାଧୀନତା ଏବଂ ସ୍ୱଚ୍ଛତାକୁ ଏକତ୍ର ବାନ୍ଧି ଏକ ଗୌରବଶାଳୀ ଭାରତ ପରିକଳ୍ପନା କରିଥିବା ମହାତ୍ମା ଗାନ୍ଧୀଙ୍କ ଦୃଷ୍ଟିକୋଣ ଆମକୁ ପ୍ରେରଣା ଦେଇ ଚାଲିବ।