ବୈକୁଣ୍ଠ ଧାମ ଆଶ୍ରମରେ ପୋଲିସ

ଭୁବନେଶ୍ୱର: ଶିଶୁକୁ କଳକୀ ଅବତାର ରୂପେ ପୂଜା ପ୍ରସଙ୍ଗ। ବୈକୁଣ୍ଠ ଧାମ ଆଶ୍ରମରେ ପହଁଚିଲା ପୋଲିସ । ଆଶ୍ରମ ଭିତରକୁ ପଶିଲେ କିଛି ଲୋକ। ଅସଭ୍ୟ ଭାଷାରେ ଗଲି ଗୁଲଜ କରୁଛନ୍ତି ବାବାଙ୍କ ସମର୍ଥକ। ଆଶ୍ରମ ଭିତରେ ରହିଛି ଦାମୀ ବାଇକ। ବୈକୁଣ୍ଠ ଧାମ ଆଶ୍ରମ ସାମ୍ନାରେ ଚାପା ଉତ୍ତେଜନା । ନାବାଳକ ପୁଅକୁ ଭଗବାନ ବୋଲି ପ୍ରଦର୍ଶନ କରାଉଥିଲେ ଏହି ଆତ୍ମଘୋଷିତ ବାବା । ସୂଚନା ଅନୁସାରେ, ବୈକୁଣ୍ଠ ଧାମ ଆଶ୍ରମର ମୁଖ୍ୟ ପ୍ରବଚକ କାଶୀନାଥ ମିଶ୍ର ଏବେ କେଉଁଠି ଅଛନ୍ତି ତାର ଖବର କାହା ପାଖରେ ନାହିଁ । ପାଦ ତଳେ ତୁଳସୀ ଓ ଗୀତା ଭାଗବତ ରଖି ପୂଜା କରାଉଥିଲେ । ଏହାର ଫଟୋ ଭାଇରାଲ ହେବା ପରେ ଆତ୍ମଘୋଷିତ କାଶିନାଥ ବାବାଙ୍କ ଦେଖା ମିଳୁନି । ଭୁବନେଶ୍ୱର ଭରତପୁର ଥାନା ଖଣ୍ଡଗିରିରେ ଥିବା ବୈକୁଣ୍ଠ ଧାମ ଆଶ୍ରମର ମୁଖ୍ୟ ପ୍ରବଚକ କାଶୀନାଥ ମିଶ୍ର, ଧର୍ମ ନାମରେ ବ୍ୟବସାୟ କରୁଥିବା ଅଭିଯୋଗ ହୋଇଥିବା ବେଳେ ଏହାର ତଦନ୍ତ ଚାଲିଛି ।