ବିମାନ ଦୁର୍ଘଟଣାରେ ପାଇଲଟଙ୍କ ମୃତ୍ୟୁ

ଆମରେଲି: ମଙ୍ଗଳବାର ଦିନ ଗୁଜରାଟର ଆମରେଲି ଜିଲ୍ଲାର ଶାସ୍ତ୍ରୀ ନଗର ଅଞ୍ଚଳରେ ଏକ ତାଲିମ ବିମାନ ଦୁର୍ଘଟଣାରେ ଜଣେ ପାଇଲଟଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ଏ ସମ୍ପର୍କରେ ନିର୍ଭରଯୋଗ୍ୟ ରିପୋର୍ଟ ଆସିଛି। ଅଗ୍ନିଶମ ଅଧିକାରୀ ଏଚ୍ ସି ଗାଧଭି କହିଛନ୍ତି, “ଆମେ ପ୍ରାୟ ୧୨:୫୨ ସମୟରେ ବିମାନ ଦୁର୍ଘଟଣା ସମ୍ପର୍କରେ ସୂଚନା ପାଇଥିଲୁ। ସୂଚନା ମିଳିବା ମାତ୍ରେ ଦଳ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲା।” ଅଧିକାରୀ ଆହୁରି କହିଛନ୍ତି, “ଆମେ ନିଆଁକୁ ନିୟନ୍ତ୍ରଣ କରିଥିଲୁ। ବିମାନର ପାଇଲଟ୍ ଭିତରେ ଦେଖାଯାଇଥିଲା। ପାଇଲଟ୍‌ଙ୍କୁ ହସ୍ପିଟାଲ ପଠାଯାଇଥିଲା। ଦୁର୍ଘଟଣାରେ ପାଇଲଟ୍‌ଙ୍କ ମୃତ୍ୟୁ ହୋଇଥିଲା।”