ନୂଆପଡା: ନୂଆପଡା ଉପନିର୍ବାଚନକୁ ନେଇ ବିଜେପି ରାଜ୍ୟ ସଭାପତି ମନମୋହନ ସାମଲ ପ୍ରତିକ୍ରିୟା ରଖିଛନ୍ତି । କହିଛନ୍ତି, ଫଳାଫଳ କଣ ହେବ ଲୋକ ନିର୍ଣ୍ଣୟ ନେବେ। ନବୀନଙ୍କ ପଦଯାତ୍ରା ଦ୍ୱାରା ବିଜେପିକୁ ଫରକ ପଡିବକି ନାହିଁ ତାହା ସାଧାରଣ ଲୋକ ବିଚାର କରିବେ । ଆମ ସରକାର ୧୧ ବର୍ଷ ହେଲା କେନ୍ଦ୍ରରେ କଣ କରିଛି ଓ ୧୫ ମାସ ହେଲା ରାଜ୍ୟରେ କଣ କାମ କରିଛି ତାହା ଆମେ କହିବୁ। ବିଜେଡି ୨୪ ବର୍ଷ ଭିତରେ କଣ କରିଛି ଓ କଂଗ୍ରେସ ୪୦ ବର୍ଷ ଭିତରେ କଣ କରିଛି କହିବ । ଅନ୍ୟପଟେ ସୁଆଣ୍ଡୋରୁ ଆରମ୍ଭ ହେବ ବିଜେଡିର ପଦଯାତ୍ରା । ୯ତାରିଖରେ ଶୁଭାରମ୍ଭ କରିବେ ନବୀନ ପଟ୍ଟନାୟକ । ସରକାରଙ୍କ ବିଫଳତାକୁ ନେଇ ଲୋକଙ୍କ ସାମ୍ନାକୁ ଆଣିବ ବିଜେଡି । ଏନେଇ ବିରୋଧୀ ଦଳ ମୁଖ୍ୟ ସଚେତକ ପ୍ରମିଳା ମଲ୍ଲିକ ସୂଚନା ଦେଇଛନ୍ତି । ନୂଆପଡା ଉପନିର୍ବାଚନ ନେଇ ଆହୁରି କହିଛନ୍ତି, ୪୦ରୁ ୫୦ ହଜାର ଭୋଟରେ ଜିତିବ ବିଜେଡି। ନବୀନ ପଟ୍ଟନାୟକ ଯାହାକୁ ଟିକେଟ ଦେବେ ସେ ଜିତିବେ । ପ୍ରାର୍ଥୀ କିଏ ହେବେ ଖୁବଶୀଘ୍ର ସଭାପତି ଘୋଷଣା କରିବେ।
