ଆତଙ୍କ ଖେଳାଇଛି ପାଗଳ ମାଙ୍କଡ: ୧୦ରୁ ଅଧିକ ଆହତ

କଳାହାଣ୍ଡି : କଳାହାଣ୍ଡି ଜିଲ୍ଲା ଭବାନୀପାଟଣା ସହର ଗୋଦାମପଡାରେ ଆତଙ୍କ ଖେଳାଇଛି ପାଗଳ ମାଙ୍କଡ । ମାଙ୍କଡ଼ ଆକ୍ରମଣରେ ୧୦ରୁ ଅଧିକ ଲୋକ ଆହତ ହେଲେଣି । କାହାକୁ କାମୁଡିଛି, ତ ଆଉ କାହାକୁ ରାମ୍ପୁଡି ପକାଇଛି ପାଗଳ ମାଙ୍କଡ଼ । ସ୍ଥାନୀୟ ଅଞ୍ଚଳରେ ଆତଙ୍କ ଖେଳାଇଥିବା ମାଙ୍କଡକୁ କାବୁ କରିବାକୁ ନାକେଦମ ହେଲାଣି ସ୍ଥାନୀୟ ପ୍ରଶାସନ । ମାଙ୍କଡକୁ ଧରିବା ପାଇଁ ୪ ଘଣ୍ଟା ଜାରି ରହିଛି ବନବିଭାଗର ଅପରେସନ୍ । ବହୁ କସରତ ପରେ ବି ମାଙ୍କଡକୁ କାବୁ କରାଯାଇ ପାରିନାହିଁ ।