ନୂଆଦିଲ୍ଲୀ: ଅପରେସନ ସିନ୍ଦୁରକୁ ନେଇ ଏମଇଏ ପ୍ରେସବ୍ରିଫ କରିଛି । ବୈଦେଶିକ ସଚିବ ବିକ୍ରମ ମିଶ୍ରୀ କହିଛନ୍ତି, “ଅମୃତସର ଆକ୍ରମଣ କରିବା ନେଇ ପାକିସ୍ତାନର ବୟାନ ହାସ୍ୟାସ୍ପଦ । ବିଫଳ ଡ୍ରୋନ୍ ଆକ୍ରମଣ ସତ୍ତ୍ୱେ ପାକିସ୍ତାନ ତାର ବେସାମରିକ ଆକାଶ ସୀମା ବନ୍ଦ କରିନାହିଁ, ଯାହା ବିପଜ୍ଜନକ ଏବଂ ଦାୟିତ୍ୱହୀନ । ଏହା କେବଳ ପାକିସ୍ତାନ ନୁହେଁ ବରଂ ଅନ୍ତର୍ଜାତୀୟ ବିମାନଗୁଡ଼ିକର ସୁରକ୍ଷାକୁ ମଧ୍ୟ ବିପଦରେ ପକାଇଛି। ବୈଦେଶିକ ସଚିବ ବିକ୍ରମ ମିଶ୍ରୀ କହିଛନ୍ତି, ପାକିସ୍ତାନ ନିଜର କାର୍ଯ୍ୟକୁ ସ୍ୱୀକାର କରିବା ପରିବର୍ତ୍ତେ ଏକ ଅବାନ୍ତର ଏବଂ ଘୃଣ୍ୟ ଦାବି କରିଛି ଯେ ଭାରତୀୟ ସଶସ୍ତ୍ର ବାହିନୀ ଅମୃତସର ଭଳି ନିଜ ସହରକୁ ଟାର୍ଗେଟ କରୁଛି ଏବଂ ପାକିସ୍ତାନ ଉପରେ ଦୋଷ ଲଦିବାକୁ ଚେଷ୍ଟା କରୁଛି। ଏହାର ଇତିହାସ ଦର୍ଶାଉଛି ଯେ ଏହା ଏପରି କାର୍ଯ୍ୟରେ ପାରଙ୍ଗମ। ପାକିସ୍ତାନ ଭୁଲ ସୂଚନା ପ୍ରସାର କରିଛି ଯେ ଭାରତ ଡ୍ରୋନ ଆକ୍ରମଣ ମାଧ୍ୟମରେ ନାନକାନା ସାହିବ ଗୁରୁଦ୍ୱାରକୁ ଟାର୍ଗେଟ କରିଥିଲା, ଯାହା ଆଉ ଏକ ସ୍ପଷ୍ଟ ମିଛ। ପାକିସ୍ତାନ ଏକ ସାମ୍ପ୍ରଦାୟିକ ବିବାଦ ସୃଷ୍ଟି କରିବା ଉଦ୍ଦେଶ୍ୟରେ ପରିସ୍ଥିତିକୁ ସାମ୍ପ୍ରଦାୟିକ କରିବାକୁ ଯଥାସମ୍ଭବ ଚେଷ୍ଟା କରୁଛି।
