ଯବାନଙ୍କ ଅପରେସନ: ମାଓ ବନ୍ଧୁକ କାରଖାନା ଠାବ

ମାଲକାନଗିରି : ବିଏସଏଫ ଏବଂ ଡ଼ିଆରଜି ଯବାନଙ୍କ ମିଳିତ ଅପରେସନକୁ ମିଳିଛି ସଫଳତା । ମାଓ ବନ୍ଧୁକ କାରଖାନା ଠାବ । ମାଓବାଦୀ ତିଆରି ବନ୍ଧୁକ କାରଖାନା ସହ ବିପୁଳ ପରିମାଣର ମାଓ ବିସ୍ଫୋରକ ସାମଗ୍ରୀ ଜବତ ହୋଇଛି । ଛତିଶଗଡ଼ର ନାରାୟଣପୁର ଜିଲ୍ଲାର ସୋନପୁର କୋହମେଟାଲା ଘଞ୍ଚ ଜଙ୍ଗଲରେ ଠାବ କରିଛନ୍ତି ଯବାନ । ଯବାନକୁ ଦେଖି ଛତ୍ରଭଙ୍ଗ ଦେଇଥିଲେ ମାଓବାଦୀ । ଜଙ୍ଗଲ ଭିତରୁ ବନ୍ଧୁକ ତିଆରି ଲେଦ ମେସିନ ଓ ୱେଲଡିଂ ପାଇଁ ରଖାଯାଇଥିବା ଗ୍ୟାସ, ସୋଲାର ପ୍ୟାନେଲ, ଭଳି ଅନେକ ବିସ୍ଫୋରକ ସାମଗ୍ରୀ ଜବତ କରିଛି ସୁରକ୍ଷା କର୍ମୀ । ଘଞ୍ଚ ଜଙ୍ଗଲରେ ମାଓବାଦୀ ମାନେ କ୍ୟାମ୍ପରେ ବନ୍ଧୁକ ସହ ବିସ୍ପୋରକ ସାମଗ୍ରୀ ତିଆରି କରୁଥିଲେ ।