ନୂଆଦିଲ୍ଲୀ: ପୁଣିଥରେ ଗୋଟିଏ ମାଆର କୋଳ ଖାଲି ହୋଇଯାଇଛି । ଗତ ଶୁକ୍ରବାର ଦିନ ରୋଷେଇ ପାତ୍ରରେ ପଡି ଦେଢ ବର୍ଷ ଶିଶୁର ଜୀବନ ଚାଲିଯାଇଛି । ସବୁଠୁ ବଡ କଥା ଏହା ଯେ, ପୂର୍ୱରୁ ମହିଳାଙ୍କ ଆଉ ଗୋଟିଏ ଝିଅର ଜୀବନ ଏଭଳି ପରିସ୍ଥିତିରେ ଚାଲିଯାଇଥିଲା । ଏହାକୁ ନେଇ ପରିବାରରେ ଶୋରକ ଛାୟା ଖେଳିଯାଇଛି । ସୂଚନା ଅନୁଯାୟୀ, ମହିଳା ଜଣଙ୍କ ଚାଟ, ଗୁପଚୁପ ବ୍ୟବସାୟୀ । ଘରେ ଏକ ବଡ କଢେଇରେ ଛୋଲେ ରୋଷେଇ କରୁଥିଲେ । ଝିଅଟି ସେହି ପାଖେ ଖେଳୁଥିଲା । କଢେଇ ତେଲ ଉପରେ ପଡି ଝିଅର ଶରୀରର ଅଧା ଅଂଶ ଜଳିଯାଇଥିଲା । ଝିଅର ଚିତ୍କାର ଶୁଣି ମହିଳା ଜଣଙ୍କ ଦୌଡି ଆସି ଗୁରୁତର ଅବସ୍ଥାରେ ଝିଅକୁ ମେଡିକାଲ ନେଇଥିଲେ । ଝିଅଟିର ୮୦ ପ୍ରତିଶତ ଭାଗ ଜଳିଯାଇଥିବାରୁ କିଛି ଘଣ୍ଟା ପରେ ଜୀବନ ଚାଲିଯାଇଥିଲା । ଏବେ ପରିବାରରେ ଦୁଃଖର ପାହାଡ ଖସି ପଡିଛି ।
