ନ୍ୟୁୟର୍କରୁ ଏକ ଦୁଃଖଦ ଘଟଣା ସମ୍ନାକୁ ଆସିଛି । ମେଟାଲ ଚେନ ପିନ୍ଧିଥିବା ବୃଦ୍ଧ ବ୍ୟକ୍ତି ଜଣକ ଏମଆରଆଇ ମେସିନର ଶକ୍ତିଶାଳୀ ଚୁମ୍ବକ ଦ୍ୱାରା ଟାଣି ହୋଇ ମୃତ୍ୟୁବରଣ କରିଛନ୍ତି । ନ୍ୟୁୟର୍କର ୱେଷ୍ଟବରିର ଏକ ମେଡିକାଲରେ ମ୍ୟାଗ୍ନେଟିକ୍ ରେଜୋନାନ୍ସ ଇମେଜିଂ ( ଏମଆରଆଇ ) ମେସିନ୍ ଭିତରକୁ ଟାଣି ହୋଇଯିବା ଫଳରେ ଲଙ୍ଗ ଆଇଲ୍ୟାଣ୍ଡର ଜଣେ ୬୧ ବର୍ଷୀୟ ବୃଦ୍ଧ ବ୍ୟକ୍ତି କିଥ୍ ମ୍ୟାକଆଲିଷ୍ଟରଙ୍କ ମୃତ୍ୟୁ ହୋଇଛି। ବୁଧବାର ଦିନ ନାସାଉ ଓପନ୍ ଏମଆରଆଇରେ ଏହି ଘଟଣା ଘଟିଥିଲା। ମ୍ୟାକଆଲିଷ୍ଟର ତାଙ୍କ ପତ୍ନୀ ଆଡ୍ରିଏନ୍ ଜୋନ୍ସ-ମ୍ୟାକଆଲିଷ୍ଟରଙ୍କ ଆଣ୍ଠୁ ସ୍କାନିଂ ପାଇଁ ତାଙ୍କ ସହିତ ଥିଲେ। ଆଡ୍ରିଏନ୍ଙ୍କ କହିବା ଅନୁଯାୟୀ, ତାଙ୍କ ସ୍ୱାମୀ ସ୍କାନିଂ ଟେବୁଲ୍ ପାଖେ ଠିଆ ହୋଇଥିବା ବେଳେ ଶକ୍ତିଶାଳୀ ଚୁମ୍ବକୀୟ କ୍ଷେତ୍ର ସକ୍ରିୟ ହୋଇ ଏମଆରଆଇ ମେସିନ ଦ୍ୱାରା ଟାଣି ହୋଇଯାଇଥିଲେ ।
ରିପୋର୍ଟ ଅନୁଯାୟୀ ଆଡ୍ରିଏନ୍ ଏବଂ ଉପସ୍ଥିତ ଏମଆରଆଇ ଟେକ୍ନିସିଆନ୍ ମ୍ୟାକଆଲିଷ୍ଟରଙ୍କୁ ମେସିନରୁ ଟାଣି ନେବାକୁ ଚେଷ୍ଟା କରିଥିଲେ କିନ୍ତୁ ସେମାନେ ବିଫଳ ହୋଇଥିଲେ। ପୋଲିସ କହିଛି ଯେ ମ୍ୟାକଆଲିଷ୍ଟର ପିନ୍ଧିଥିବା ଚେନ୍ ଭାରୀ ଥିଲା, ଯାହା ଫଳରେ ଏକ ଶକ୍ତିଶାଳୀ ଏମଆରଆଇ ଚୁମ୍ବକ ତାଙ୍କୁ ମେସିନ ଭିତରକୁ ଟାଣି ନେଇଥିଲା। ତାଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାକୁ ନିଆଯାଇଥିଲା ଏବଂ ପରଦିନ ତାଙ୍କର ଆଘାତରୁ ମୃତ୍ୟୁ ହୋଇଥିଲା। ନାସାଉ କାଉଣ୍ଟି ପୋଲିସ ଏହି ହତ୍ୟା ମାମଲା ତଦନ୍ତ କରୁଛି। ବର୍ତ୍ତମାନ ପର୍ଯ୍ୟନ୍ତ କୌଣସି ଅଭିଯୋଗ ଦାଖଲ ହୋଇନାହିଁ। ଏହି ଦୁଃଖଦ ଘଟଣା ପରେ ଡାକ୍ତରମାନେ ଏମଆରଆଇ ସୁରକ୍ଷା ପ୍ରୋଟୋକଲର ଗୁରୁତ୍ୱ ବିଷୟରେ କହିଥିଲେ।
